Nyarugenge: Abayobozi b’imirenge ine basezeye ku mirimo

Yanditswe na Uwishyaka Jean Louis
Kuya 21 Ukwakira 2016 saa 01:03
Yasuwe : XX
0

Abanyamabanga Nshingwabikorwa b’imirenge ine yo mu Karere ka Nyarugenge, bamaze gusezera ku mirimo yabo.

Aba bayobozi basezeye ku mirimo ni Umunyamabanga Nshingwabikorwa w’umurenge wa Kanyinya, Dusabumuremyi Innocent, Semitari Alexis wa Nyamirambo, Mutarugira Dieudonné wa Rwezamenyo na Bimenyimana Audace wayoboraga uwa Mageragere.

Umuyobozi w’Akarere ka Nyarugenge, Kayisime Nzaramba yabwiye IGIHE ko aba bayobozi basezeye ku mirimo ku mpamvu zabo bwite.

Ati” Basezeye ejo. Nta kibazo na kimwe gihari rwose. Nta n’icyaba cyibyihishe inyuma. Ubwabo nibo bahisemo gusezera ku mpamvu zabo.”

Amabaruwa ya Dusabumuremyi, Bimenyimana na Mutarugira yagejejwe ku buyobozi bw’akarere ka Nyarugenge ejo ku itariki ya 20 Ukwakira 2016 mu gihe Semitari we yayihagejeje uyu munsi mu gitondo.

Aba banyamabanga Nshingwabikorwa baje bakurikira abandi bane bari baherutse gusezera ku mirimo yabo, barimo babiri bo mu karere ka Kicukiro n’abandi bo mu karere ka Musanze.

Meya Kayisime Nzaramba yavuze ko aba bayobozi basezeye ku mirimo ku mpamvu zabo bwite

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza