Kwamamaza

Nyarugenge: Mugisha yafatanwe ibikoresho by’amazi n’amashanyarazi bya miliyoni umunani

Yanditswe kuya 9-11-2016 saa 13:28' na Thamimu Hakizimana


Mu nzu y’uwitwa Mugisha utuye mu Mudugudu wa Rwampara, mu Kagari ka Rwampara, mu Murenge wa Nyarugenge, hafatiwe ibikoresho by’amazi n’amashanyarazi byibwe bifite agaciro ka Miliyoni umunani z’amanyarwanda.

Ibi bikoresho birimo insinga z’amashanyarazi zipima ibiro 1,150 n’ibikoresho by’amazi birimo konteri na robine by’ibiro 194, byose byafashwe ku mugoroba wo kuri uyu wa Kabiri tariki ya 8 Ugushyingo 2016, n’ubuyobozi bw’Umurenge wa Nyarugenge, Polisi ku bufatanye n’abaturage bo muri ako gace.

Zimwe mu nsinga zafatiwe muri urwo rugo, basanze Mugisha yazisasagaho matola akaziryama hejuru mu rwego rwo kuzihisha.

Umunyamabanga Nshingwabikorwa w’Umurenge wa Nyarugenge,
Havuguziga Charles, yabwiye IGIHE ko kugira ngo bafate ibi bikoresho byaturutse ku makuru bahawe n’abaturage bavuga ko insinga zibwa zigurwa n’uwo mugabo.

Yagize ati “ Byatewe n’uko hari urusinga bari bibye mu Biryogo noneho abaturage batubwira ko insinga hafi ya zose zibwa zigurwa n’uwo mugabo witwa Mugisha; ni bwo twahise tuza koko kwirebera niba ibyo batubwira ari byo.”

Yakomeje asaba abaturage kwitwararika ndetse no gutangira amakuru ku gihe kugira ngo barwanye abo bajura biba ibikorwaremezo biba byatwaye igihugu akayabo k’amafaranga mu kubishyiraho.

Umukozi w’Ikigo cy’Igihugu gishinzwe ingufu, REG, Martin Mutsindashyaka we yagize ati “ Kugira ngo tumufate byose byaturutse ku bufatanye bwacu n’abaturage kuko ni bo batubwiye ko uyu mugabo ajya agura insinga z’amashanyarazi hanyuma akazigurisha, rero twaje dukurikiye ibikorwaremezo byacu kugira ngo tubashe kureba niba bihari cyangwa bidahari none turabibonye.”

Yakomeje avuga ko atari ubwa mbere hafatwa ibikoresho by’amashanyarazi n’amazi byibwe cyane ko hari raporo bakoze mu minsi ishize y’abantu bane bashinjwa kwiba ibyo bikoresho ndetse ko hari n’abandi bamaze gushyikirizwa inzego z’ubutabera.

Nubwo ibi bikoresho byafashwe , ubuyobozi bw’uyu murenge na Polisi ntibwabashije gufata uwo mugabo witwa Mugisha ubigura kuko bwasanze adahari, gusa ngo hahise hatangira iperereza ryimbitse kugira ngo atabwe muri yombi.

Ibi bikoresho byafatiwe mu rugo rw'uwitwa Mugisha
Si insinga z'amashanyarazi gusa kuko yanafatanywe ibikoresho by'amazi
Insinga z'amashanyarazi zafatiwe muri urwo rugo zipima ibiro birenga 1000
Mutsindashyaka avuga ko ibi bikoresho byafashwe ku bufatanye n'abaturage babitanzeho amakuru

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved