Kwamamaza

Nyarugenge:Umugore yasanzwe ku muhanda yapfuye; haracyekwa ko yazize kubura Mugo

Yanditswe kuya 7-11-2016 saa 12:05' na Thamimu Hakizimana


Umugore witwa Nzamukosha Aisha uri mu kigero cy’imyaka 31, yasanzwe ku Muhanda wo mu Murenge wa Rwezamenyo ahitwa kwa Mutwe ,yapfuye mu gitondo cyo kuri uyu wa Mbere, aho bikekwa ko yazize kubura ikiyobyabwenge cya Mugo cyari cyaramugize imbata.

Abatuye muri aka gace bavuga ko ku mugoroba w’ejo hashize babonaga Nzamukosha asa n’urembye, bakaba bahamya ko byatewe no kumara igihe atabasha kubona Mugo nk’uko yari ayimenyereye.

Nzamukosha yari atuye mu Murenge wa Gitega, akaba yapfiriye mu wa Rwezamenyo ho mu Karere ka Nyarugenge, akaba yari afite abana batanu.

Inzego zishinzwe umutekano ngo zari zimaze iminsi mu bikorwa byo kurwanya ibiyobyabwenge muri aka gace ku buryo ababinywa batakibasha kubibona mu buryo buboroheye.

Ibi ngo byazahaje bamwe mu bo byari byaragize imbata nk’uko abaturage bo muri aka gace bakomeza babivuga.

Kugeza ubu polisi yamaze gutwara umurambo wa Nzamukosha, hakaba hategerejwe igisubizo kiva mu isuzuma.

Umunyamabanga Nshingwabikorwa w’agateganyo w’Umurenge wa Rwezamenyo Stella Mbabazi na we yavuze ko uyu mugore yaba yishwe no kubura ikiyobyabwenge cya Mugo yari amenyereye kikaba cyamuzengereje kuko yari anamaze iminsi arwaye.”

Agace uyu mugore yapfiriyemo
Polisi yahageze itwara umurambo wa Nzamukosha

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved