Kwamamaza

Nyaruguru: Bibukijwe ko kubungabunga ibidukikije bidakwiye guharirwa abayobozi gusa

Yanditswe kuya 29-11-2016 saa 15:25' na Prudence Kwizera


Abaturage bo mu Karere ka Nyaruguru basabwe kumva ko kubungabunga ibidukikije ari ishingano ya buri wese, ntibabiharire ubuyobozi gusa, kuko ingaruka zo kutabyitaho iyo zije zitarobanura uwo zigomba kugeraho.

Byagarutsweho mu mu mpera z’icyumweru gishize, ubwo Croix-Rouge y’u Rwanda yifatanyaga n’abaturage bo mu murenge wa Nyagosozi gutera ibiti bisaga ibihumbi bitanu, ku buso bwa hegitari eshatu.

Perezida wa Croix-Rouge mu karere ka Nyaruguru, Wellars Bayingana, yavuze ko nubwo inshingano ya mbere ya Croix-Rouge ari ugutabara imbarabare, bakora n’ibindi bikorwa bigamije iterambere ry’abaturage.

Bayingana ati « Iki ni igikorwa duha agaciro cyane, abenshi bazi ko Croix-Rouge itanga amaraso, itabara imbabare, ariko duhuza ibikorwa na Leta, dutabara imbabare dukora n’ibindi bikorwa bishobora kubungabunga ubuzima bw’abaturage».

Nyuma yo gutera ibyo biti, abaturage bahawe ibiganiro ku kamaro k’amashyamba ndetse no kwita ku bidukikije.

Umunyamabanga Nshingwabikorwa w’Umurenge wa Nyagisozi, Assoumpta Byukusenge, avuga ko mu rwego rwo kurandura ingaruka zituruka ku kutita ku bidukikije, bafite gahunda yo kwagura ubuso buterwaho ibiti cyane cyane bibanda mu masambu y’abaturage batishoboye.

Byukusenge ati « Ahantu amashyamba yari atangiye kugenda acika twiyemeje kongeramo ibiti duhereye ku butaka bubaruwe kuri Leta, ikindi kandi tuzatera ibiti bivangwa n’imyaka mu masambu y’abaturage. Dufite gahunda yo guhera ku baturage bafite ubushobozi bucye, bari mu cyiciro cya mbere n’icya kabiri by’ubudehe ».

Byukusenge yibukije abaturage ko kwita ku bidukikije bikwiye kuba inshingano ya buri wese ntibiharirwe abayobozi gusa, bityo abasaba kubitsa n’ababakomokaho.

Nyaruguru ni kamwe mu turere tw’u Rwanda dufite amashyamba, ariko ahenshi ari gusarurwa, ku buryo hatagize igikorwa ngo haterwe ibiti bishya, mu myaka mike imisozi yasigara yambaye ubusa.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved