Kwamamaza

Nyaruguru: Horizon Express yashimiwe uruhare igira mu mibereho myiza y’abaturage

Yanditswe kuya 27-11-2016 saa 11:11' na Prudence Kwizera


Ikompanyi itwara abagenzi ‘Horizon Express Ltd’ yashimiwe uruhare rwayo mu bikorwa bitandukanye ikora mu Karere ka Nyaruguru, mu rwego rwo guteza imbere imibereho myiza y’abaturage, hagamijwe kubageza ku iterambere rirambye.

Byagarutsweho kuri uyu wa Gatandatu taliki ya 26 Ugushyingo 2016, ubwo abakozi b’iyo Kompanyi bifatanyaga n’abaturage bo mu Murenge wa Kibeho mu muganda rusange, ahatewe ibiti bigera ku bihumbi 13 bivangwa n’imyaka ku buso bwa hegitali zisaga 39.

Umuyobozi wungirije ushinzwe iterambere ry’ubukungu mu Karere ka Nyaruguru, Antoine Bisizi; yavuze ko Horizon Express ltd ari umufatanyabikorwa mwiza, kuko ikorana n’akarere mu bikorwa bitandukanye bigamije imibereho myiza y’abaturage n’iterambere ryabo.

Bisizi ati “Mbere ya byose turashimira Horizon Express, imikoranire n’akarere kacu, ni umufatanyabikorwa mwiza. Usibye kuba uyu munsi baje kuduha umuganda, mu munsi ishize nabwo batanze inkunga ya mituweli 300 ku batishoboye.”

Bisizi yakomeje avuga ko Horizon Express yabafashije cyane no mu bijyanye no korohereza abaturage gukora ingendo, kuko kuri ubu isigaye ifite imodoka zigenda mu muhanda Huye zijya Nyaruguru cyangwa zivayo, kandi ari umuhanda utaratunganwa neza.

Umuyobozi Mukuru wa Horizon Express ltd, Gilbert Bihira, yavuze ko gahunda yo kwita ku mibereho y’abaturage bayisanganwe, kuko nabo bifuza kugira uruhare mu kubaka u Rwanda rwiza.

Ati “Tumaze igihe kigera ku mezi atatu dukorera muri aka karere ka Nyaruguru, ni ukuvuga ko twabaye abafatanyabikorwa. Ubusanzwe muri Horizon Express tugira gahunda yo kugira uruhare mu mibereho myiza y’abaturage, kugira ngo babashe gukora biteze imbere kandi bafite ubuzima bwiza”.

Uyu muganda wari witabiriwe n’abayobozi batandukanye barimo Visi Perezida wa Sena Jeanne D’Arc Gakuba; Guverineri w’Intara y’Amajyepfo, Marie Rose Mureshyankwano; Abasenateri n’Abadepite n’abandi bayobozi batandukanye.

Guverineri w’Intara y’Amajyepfo, Marie Rose Mureshyankwano, mu ijambo rye yongeye kwibutsa abatuye Akarere ka Nyaruguru ko bakiri inyuma mu kwitabira gutanga umusanzu w’ubwisungane mu kwivuza, abasaba ko bakwiye kwisubiraho.

Yagize ati “Akarere ka Nyaruguru kari mu turere dufite abaturage bataragera ku rwego rushimishije mu gutanga umusanzu w’ubwisungane mu kwivuza, ndagira ngo mwisubireho, rero niba ufite abana ugomba gutangira mituweli, nicyo cya mbere wagombye guheraho, kuko turashaka ko mwese mugira ubuzima bwiza, igihe murwaye mukivuza bitagoranye”.

Bamwe mu baturage bo mu Karere ka Nyaruguru babwiye IGIHE Ko bishimira uburyo Horizon Express Ltd yaje gukorera iwabo, bavuga ko hari byinshi yabakemuriye.

Joseph Hakizuwera yagize ati “Horizon turayishima kuko yazanye imodoka nziza, ku buryo bitakitugora kujya i Huye, kandi bakorera kuri gahunda kuko bahaguruka buri saha, kandi twishimye cyane kuba uyu munsi baje kwifatanya natwe gukora umuganda, biragaraza ko badukunda bagakunda n’akarere kacu”.

Ibipimo biheruka gushyirwa ahagaragara mu Ukwakira 2016, byerekanye ko Akarere ka Nyaruguru kari ku kigereranyo cya 44.2% mu kwitabira gutanga umusanzu w’ubwisungane mu kwivuza.

Icyo gihe imibare yerekanaga ko Nyaruguru ariyo iza inyuma y’utundi turere twose tugize Intara y’Amajyepfo mu kwitabira gutanga umusanzu w’ubwisungane mu kwivuza.

Amafoto yaranze iki gikorwa cy’umuganda

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved