Kwamamaza

Nyuma y’u Rwanda, Maroc na Tanzania basinye amasezerano 21

Yanditswe kuya 25-10-2016 saa 11:42' na Rabbi Malo Umucunguzi


Guverinoma ya Tanzania n’Ubwami bwa Maroc bashyize umukono ku masezerano agera kuri 21 afite agaciro kagera kuri miliyari ibihumbi bine z’amashilingi ya Tanzania, nyuma y’uruzinduko Umwami Mohammed VI ari kugirira muri icyo gihugu.

Amasezerano yashyizweho umukono areba ingeri zirimo ingufu, amabuye y’agaciro, ubumenyi n’ikoranabuhanga, ubuhinzi, ubukerarugendo, amabanki n’ubwishingizi, kohereza ibintu mu mahanga, ubuzima n’ubufatanye bw’ibigo byo muri Tanzania n’ibyo muri Maroc.

Mu bigo byo muri Maroc bikomeye biri muri ubwo bufatanye harimo Ihuriro ry’Ibigo by’Ubucuruzi byo muri Maroc (CGEM), Bank of Africa, Ikigo gitunganya ingufu zikomoka ku mirasire y’Izuba, Banki ya Attijariwafa n’ibindi.

Umwami Mohammed VI ari mu ruzinduko muri Afurika y’Iburasirazuba, aho yerekeje muri Tanzania kuri iki Cyumweru tariki 23 Ukwakira avuye mu Rwanda, igihugu yagezemo kuwa kabiri tariki 18 Ukwakira.

Mu Rwanda naho hasinywe amasezerano arebana n’ishoramari mu mabanki, ubutwererane, koroshya ingendo ku bafite pasiporo z’abadipolomate, amacumbi, n’andi yasinywe hagati ya Imbuto Foundation n’Umuryango w’Umwami Mohammed VI wa Maroc ugamije iterambere rirambye, azareba ubuzima, uburezi, ubukungu n’iterambere by’urubyiruko n’abagore.

Perezida Dr John Pombe Magufuli wari kumwe na Visi Perezida we Samia Suluhu Hassan na Minisitiri w’Intebe Kassim Majaliwa, mu ngoro y’Umukuru w’Igihugu i Magogoni yatangaje ko ko aya masezerano akurikiye umubano ukomeye umaze igihe hagati y’ibihugu byombi.

Nk’uko ikinyamakuru Daily News cyo muri Tanzania cyabitangaje, Perezida Dr Magufuli yavuze ko mu gihe Maroc ifite ikibuga cya Golf cyiswe Dar Es Salaam, Tanzania nayo ifite umwe mu mihanda witwa Morocco.

Ati “Intego yacu ni ukubaka igihugu gifite ubukungu buringaniye bushingiye ku nganda… Aya masezerano dushyizeho umukono uyu munsi ni intambwe ikomeye mu kugera kuri iyo ntego.’’

Perezida Magufuli kandi yavuze ko we na mugenzi we wa Maroc bemeranyije ko bagiye gutangiza ingendo z’indege hagati y’ibihugu byombi, ati “hazabaho ingendo z’ako kanya zigana Rabat… tuzatsura umubano hamwe na Royal Air Maroc,”

Banemeranyije kandi ubufatanye mu bijyanye n’umutekano, aho mu mwaka utaha Tanzania izohereza abashinzwe umutekano bagera ku 150 muri Maroc, muri gahunda zo guhanahana ubumenyi.

Biteganyijwe ko Umwami Mohammed VI nasoza uru ruzinduko rw’iminsi itatu muri Tanzania azarukomereza muri Ethiopia.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved