Perezida Kagame asanga ubufatanye buzatuma internet ihindura ubuzima bw’abatuye Isi

Yanditswe na Cyprien Niyomwungeri
Kuya 16 Werurwe 2017 saa 11:28
Yasuwe :
0 0

Perezida Kagame yashimangiye ko ubufatanye bwa za Guverinoma, abikorera n’imiryango itegamiye kuri leta, buzatuma Isi yose igerwaho n’umuyoboro wa internet umaze kuba inkingi mwikorezi y’ubukungu n’imibereho myiza y’abaturage.

Umukuru w’Igihugu yabigarutseho kuri uyu wa Kane ubwo yatangizaga inama ya Komisiyo ishinzwe gukwirakwiza internet yihuta ku rwego rw’Isi (Broadband Commission), ibera muri Hong Kong.

Iyi nama yanitabiriwe n’Umunyamabanga Mukuru w’Ihuriro Mpuzamahanga ry’Ikoranabuhanga mu Itumanaho (ITU), Houlin Zhao n’Umuyobozi wungirije wa UNESCO, Irina Bokova; Umuyobozi Mukuru wa Huawei, Sun Yafang n’abandi.

Perezida Kagame uyobora iyi Komisiyo yatangijwe mu 2010, avuga ko kuva mu ntego z’ikinyagihumbi, MDGs kugeza ubu mu ntego z’iterambere rirambye, SDGs, hari imbaraga nyinshi zashyizwe mu bijyanye no gukwirakwiza umuyoboro mugari wa internet (Broadband), kandi hari umusanzu wabyo muri uru rugendo rukomeza.

Yashimiye imirimo imaze gukorwa mu guharanira ko abatuye Isi bagerwaho na internet by’umwihariko amamiliyari yabo atari ayifite, avuga ko gukorera hamwe aribyo bizatuma abaturage bose ibageraho.

Yagize ati “Tuzagera ku ntego by’umwihariko nidukorera hamwe; yaba za Guverinoma, inganda n’abayobozi ba sosiyete sivile. Navuga ko ari iby’ingenzi gufata uyu mwanya muri iki gihe tugasuzuma ibyo tumaze kugeraho.”

Iyi nama iriga ku ruhare rwa internet inyaruka mu iterambere rirambye. Perezida Kagame akaba yagaragaje ko kuri ubu ikoranabuhanga, umuyoboro mugari n’ibindi, bimaze gufata indi ntera mu mibereho myiza y’abaturage n’iterambere ry’ubukungu.

Perezida Kagame asuhuzanya n'abandi bayobozi bitabiriye inama ya Komisiyo ishinzwe gukwirakwiza internet yihuta ku rwego rw’Isi iri kubera muri Hong Kong
Minisitiri w’Urubyiruko n’Ikoranabuhanga, Jean Philbert Nsengimana (iburyo) na we yitabiriye inama yiga ku gukwirakwiza internet yihuta ku Isi
Umunyamabanga Mukuru w’Ihuriro Mpuzamahanga ry’Ikoranabuhanga mu Itumanaho (ITU), Houlin Zhao ageza ijambo ku bitabiriye iyi nama
Perezida Kagame aganira na Dr. Carlos Jarque
Philip Metzger nawe yatanze ikiganiro muri iyi nama

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244