Perezida Kagame yakiriwe mu musangiro na mugenzi we wa Djibouti (Amafoto)

Yanditswe na IGIHE
Kuya 19 Mata 2017 saa 08:05
Yasuwe :
1 0

Perezida Kagame uri kumwe na Madamu we mu ruzinduko rw’akazi rw’iminsi ibiri muri Djibouti, bakiriwe na mugenzi we wa Djibouti, Ismaïl Omar Guelleh, hamwe n’umugore we Kadra Mahamoud Haid.

Uyu musangiro wabaye ku mugoroba wo kuri uyu wa Kabiri nyuma yaho ku munsi w’ejo Perezida Kagame atangiriye uruzinduko rwe rw’iminsi ibiri muri iki gihugu kiri mu ihembe rya Afurika.

Ni uruzinduko ruje rukurikira urwo Guelleh yagiriye mu Rwanda muri Werurwe 2016 rwaje gusiga ibihugu byombi byemeranyije imikoranire ibereye ndetse u Rwanda rugaha ubutaka bungana na hegitari 10 iki gihugu nacyo cyaruhawe ubungana na hegitari 20 ku nkombe y’Inyanja Itukura.

Ubwo yatangiraga uru ruzinduko, Perezida Kagame yatangaje ko ibihugu byombi bifitanye umubano wa hafi ndetse bihuje imyemerere ishingiye ku iterambere no ku guhesha agaciro Afurika.

Perezida Kagame yavuze ko uru ruzinduko rubayeho ari umusaruro w’ibiganiro byabereye i Kigali bigashimangira umubano hagati y’ibihugu byombi.

Ku munsi wa mbere warwo, u Rwanda na Djibouti byasinyanye amasezerano atanu ari mu ngeri zinyuranye. Arimo ajyanye n’ibikorwa by’ingendo zo mu kirere hagati y’ibihugu byombi, ajyanye n’iterambere ndetse n’umutekano w’ishoramari, ajyanye n’ubufatanye mu ikoranabuhanga, ajyanye no gukuriraho ikiguzi cya visa abadipolomate ndetse n’abafite pasiporo za serivisi hamwe n’ajyanye no gushyiraho komisiyo ihuriweho n’ibihugu byombi.

Madamu Jeannette Kagame ari kumwe na mugenzi we Kadra Mahamoud Haid
Madamu Jeannette Kagame ari kumwe na mugenzi we Kadra Mahamoud Haid; Perezida Kagame nawe ari kumwe na Perezida Ismaïl Omar Guelleh
Perezida Kagame na mugenzi we wa Djibouti bafungura uyu musangiro
Perezida Guelleh na Madamu Jeannette Kagame
Minisitiri w'Ububanyi n'Amahanga, Louise Mushikiwabo aganira na Madamu Kadra Mahamoud Haid hamwe na Perezida Kagame
Abayobozi batandukanye ku mpande zombi bari bitabiriye uyu musangiro
Perezida Kagame yashimangiye ko uru ruzinduko rukurikira ibiganiro byiza byabaye hagati y'impande zombi
Perezida Guelleh ari kumwe na Madamu Jeannette Kagame ndetse na Minisitiri w'Ububanyi n'Amahanga wa Djibouti, Mahmoud Ali Youssouf
Perezida Kagame ageza ijambo ku bari bitabiriye uyu musangiro
Perezida Ismaïl Omar Guelleh avuga ijambo
Abanya-Djibouti berekanye ibijyanye n'umuco wabo
Abasore nabo berekanye imikino ijyanye n'umuco wabo

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza