Perezida Kagame yakiriye indahiro z’abaminisitiri babiri, Umuvunyi n’abadepite babiri

Yanditswe na Rabbi Malo Umucunguzi
Kuya 11 Nzeri 2017 saa 11:38
Yasuwe :
3 0

Perezida wa Repubulika Paul Kagame yakiriye indahiro z’abayobozi batatu bashya muri guverinoma; Minisitiri w’Imari n’Igenamigambi, Amb Gatete Claver; Minisitiri w’Ikoranabuhanga n’Itumanaho, Nsengimana Jean Philbert n’Umunyamabanga wa Leta muri Minisiteri y’Ububanyi n’Amahanga, Ubutwererane n’Umuryango w’Ibihugu bya Afurika y‘Iburasirazuba, Nduhungirehe Olivier, batarahiriye rimwe n’abandi ubushize.

Ni Umuhango wabereye mu ngoro y’Inteko Ishinga Amategeko kuri uyu wa Mbere, mu gihe umukuru w’igihugu yatangizaga umwaka w’ubucamanza wa wa 2017/18.

Kuwa 30 Kanama nibwo Perezida Kagame yatangaje guverinoma nshya iyobowe na Minisitiri w’Intebe Edouard Ngirente, irahirira inshingano nshya kuwa 31 Kanama, ariko icyo gihe abayobozi ntibarahira bose kuko hari abari batari mu gihugu, atangaza ko “abasigaye bazashakirwa umwanya wabo.”

Muri guverinoma iheruka gusimbuzwa, Amb. Gatete Claver yari asanzwe ari Minisitiri w’Imari n’Igenamigambi, Jean Philbert Nsengimana yayoboraga Minisiteri yakomatanyaga urubyiruko n’ikoranabuhanga na ho Amb. Nduhungirehe we ni mushya muri guverinoma kuko yari Ambasaderi w’u Rwanda mu Bubiligi.

Perezida Kagame kandi yakiriye indahiro y’Umuvunyi Mukuru, Anastase Murekezi wagiye kuri uyu mwanya asimbuye Aloysia Cyanzayire.

Yanakiriye indahiro z’abadepite babiri bashya, Murara Jean Damascene na Uwamariya Rutijanwa Marie Pélagie binjiye mu nteko ishinga amategeko basimbuye Bamporiki Edouard na Gatabazi JMV baherutse kugirwa abayobozi mu zindi nzego.

Ubwo yatangazaga Guverinoma nshya ku wa 30 Kanama 2017, Perezida Kagame yagize Gatabazi JMV wari umaze imyaka 13 ari Umudepite mu Nteko Ishinga Amategeko, Guverineri w’Intara y’Amajyaruguru naho Bamporiki Edouard wari umaze imyaka ine mu Nteko agirwa Umuyobozi w’Itorero ry’Igihugu.

Minisitiri w’Imari n’Igenamigambi, Amb. Gatete Claver
Minisitiri w’Ikoranabuhanga n’Itumanaho, Nsengimana Jean Philbert
Umunyamabanga wa Leta muri Minisiteri y’Ububanyi n’Amahanga, Ubutwererane n’Umuryango w’Ibihugu bya Afurika y‘Iburasirazuba, Nduhungirehe Olivier
Umuvunyi Mukuru, Anastase Murekezi
Depite Murara Jean Damascene
Depite Uwamariya Rutijanwa Marie Pélagie
Perezida Kagame na Nduhungirehe Olivier
Perezida Kagame na Minisitiri Nsengimana Jean Philbert n'umuryango we
Perezida Kagame asuhuza Umuvunyi Mukuru, Anastase Murekezi
Depite Uwamariya Rutijanwa Marie Pélagie na Perezida Kagame nyuma kurahira
Depite Murara Jean Damascene n'umuryango we hamwe na Perezida Kagame

Amafoto: Niyonzima Moses/Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza