Kwamamaza

Perezida Kagame yasobanuye uko yari azi Makuza Bertin witabye Imana

Yanditswe kuya 7-11-2016 saa 12:24' na IGIHE


Perezida Kagame yagaragaje Makuza Bertin uherutse kwitaba Imana nk’umwe mu bantu bafashije u Rwanda kwiyubaka nyuma y’ibihe bibi rwanyuzemo ndetse ko ibyo yakoze yaharaniraga inyungu rusange.

Mu ijoro ryo gufata mu mugongo Umuryango wa Makuza Bertin, kuri iki Cyumweru tariki ya 6 Ugushyingo 2016, Perezida Kagame yihanganishije abasigaye, asaba buri wese guharanira kuzasiga inkuru nziza azajya yibukirwaho.

Umukuru w’Igihugu, Paul Kagame, yavuze ko yamenye Makuza mu bihe bibi igihugu cyarimo, ndetse aba n’umwe mu bagize uruhare rukomeye mu gutuma u Rwanda ari igihugu gikataje mu iterambere.

Ati “Makuza rero namumenye mu bihe bibi kandi mumenya nk’umuntu w’umugabo muzima, ndetse aranafasha ubwo twatangiye kubaka igihugu, ni umwe mu bantu twitabazaga, yari afite abandi bantu babanye b’inshuti ze bakoranye mu bihe birebire bindi kenshi mu gushaka inkunga, gushaka abikorera kugira ngo barusheho gukora neza cyangwa se batera inkunga ibikorwa by’igihugu, akarere turimo, kongera kwiyubaka.”

Yamuvuze nk’umwe mu bazaga imbere mu gufasha ‘kuko bumvaga ko iyo utanze inkunga yawe mu bikorwa rusange, igera kuri benshi’. Ibi ni byo yashingiyeho avuga ko ibyo yakoze bizakomeza kwibukwa ndetse bikwiye kubera n’abandi urugero.

Perezida Kagame yabwiye abari bitabiriye uyu mugoroba ko bakwiye guharanira kuzagira iherezo rizima bishingiye ku mirimo n’ibikorwa bye ku Isi.

“Buri wese azagira umunsi we, ariko buri munsi uko ugera ku bantu cyangwa uko bagera ku munsi wabo, ngira ngo hari ukundi bakomeza kubaho, uko bakomeza kubaho ni izina uba usize nk’uku turi hano, twaje kwifatanya n’umuryango, ubu ni ugukomeza kubaho kwa Makuza, buri wese rero aba akwiriye kutabaho rimwe gusa ngo birangire aho.”

Amateka umuntu asiga ku Isi, Perezida Kagame yagaragaje ko ari yo aranga imibereho ye ya nyuma y’ubu buzima. Ati “Gukomeza kubaho biva mu mateka uba usize mu byo wakoze n’ukuntu wifashe n’ukuntu wafashije abandi cyangwa se n’ukuntu wakoranye n’abandi kandi ibikorwa byiza ubwabyo bikomeze kuguha iryo zina.”

Makuza Bertin yari umwe mu banyemari bazwi cyane mu Rwanda ku bw’ibikorwa by’ubucuruzi bitandukanye yakoraga birimo uruganda Rwanda Foam rumaze imyaka 30 rukora matola. Azwi kandi cyane kubw’inyubako M Peace Plaza iherereye mu mujyi wa Kigali hagati yuzuye itwaye akayabo kangana na miliyoni 40 z’amadolari y’Amerika.

Makuza wari ufite imyaka 73 yitabye Imana kuwa Gatatu w’icyumweru gishize aguye mu bitaro byitiriwe Umwami Faisal, azize indwara y’umwijima.

Umunyemari Makuza Bertin na Perezida Kagame mu muhango wo gufungura ku mugaragaro inyubako M. Peace Plaza

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved