Kwamamaza

Raporo yagaragaje intege nke z’ibihugu bya EAC mu kubahiriza amasezerano y’isoko rusange

Yanditswe kuya 1-11-2016 saa 06:45' na Cyprien Niyomwungeri


Raporo nshya ku bijyanye n’isoko rusange mu muryango wa Afurika y’Iburasirazuba (EAC) mu mwaka wa 2016, yagaragaje ko uwo muryango utarabasha gushyira mu bikorwa amasezerano yaryo agamije guteza imbere ubucuruzi.

Iyo raporo ya kabiri yasohotse mu cyumweru gishize i Kampala muri Uganda, yagaragaje ko ibihugu bigize EAC aribyo; Kenya, Uganda, Tanzania, u Rwanda n’u Burundi bigikora ubucuruzi mu buryo bwa nyamwigendaho bigatuma ubukungu bwabyo bukomeza kudatera imbere.

Igaruka ku bibazo bitandukanye bigaragara mu mabwiriza y’ubucuruzi bw’ibyo bihugu, nk’aho byananiwe gukuraho inzitizi z’amategeko asaba icyangombwa cyo gukora ubucuruzi hagati yabyo no gusoresha kenshi.

Izi mbogamizi ziragaragazwa mu gihe abakuru b’ibihugu basinyanye amasezerano yo guhana uburenganzira ku rujya n’uruza rw’ibicuruzwa, imirimo, serivisi n’ishoramari, byafatwaga nk’umusemburo w’ubucuruzi n’ishoramari rikomeye rigamije guteza imbere umusaruro n’ubukungu by’akarere.

Aya masezerano yashyizweho umukono mu Ugushyingo 2009 atangira gukurikizwa muri Nyakanga 2010.

Mu kumurika iyi raporo, Umunyamabanga wa EAC wungirije ushinzwe imari n’ubutegetsi, Jesca Eriyo, yavuze ko ibihugu bitararoroshya ubucuruzi nkuko bikwiye.

Yagize ati “Nubwo hari iterambere zimaze kugerwaho, ibihugu ntabwo birashyira imbaraga mu koroshya ubucuruzi na serivisi.”

Yakomeje yibutsa ko raporo ya mbere yasohotse muri 2014 yagaragaje ibibazo nk’ibi by’uko ubucuruzi bw’akarere bwugarijwe n’imbogamizi z’ubucuruzi zitari imisoro n’amahoro zigera.

Eriyo avuga ko amategeko apyinagaza ishoramari yagabanutse akava kuri 63 yo muri 2014 akagera kuri 59 muri uyu mwaka.

Iyi raporo yakozwe mu mezi 18 n’ubunyamabanga bwa EAC, igaragaza ko u Burundi buri ku mwanya wa mbere mu kubahiriza ibijyanye n’icyangombwa cy’inkomoko y’ibicuruzwa, bugakurikirwa na Kenya n’amanota 90%. Kuri iyi ngingo Tanzania yavuye ku manota 50% igira 60% naho u Rwanda na Uganda bisubira inyuma.

Abakoze iyi raporo bagaragaza kandi ko abikorera batagira uruhare mu mishinga ifite icyo ivuze ku bikorwa byabo, bagasaba ibihugu bigize EAC kongera imbaraga mu kwegera abikorera kugira ngo bagire uruhare mu mavugurura y’ubucuruzi akorwa buri munsi.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved