RCS yatangiye gusuzuma uko yarushaho kubungabunga uburenganzira bw’abagororwa no gukumira abatoroka

Yanditswe na Evariste Nsengimana
Kuya 4 Kamena 2019 saa 04:12
Yasuwe :
0 0

Abayobozi bakuru 55 b’Urwego rw’Igihugu rushinzwe imfungwa n’abagororwa (RCS), batangiye umwiherero ugamije kureba ibyazamura imicungire n’imibereho y’abagororwa n’ababacunga no gufata ingamba zo gukumira itoroka ry’abagororwa.

Uyu mwiherero ngarukamwaka wabereye i Nyamata mu Karere ka Bugesera guhera ku wa 4 Kamena 2019, ubaye ku nshuro ya gatanu, ukazamara iminsi ine.

Umuvugizi wa RCS, Sengabo Hillary, yabwiye IGIHE ko abitabiriye umwiherero basuzumira hamwe imibereho n’uburengenzira bw’abagororwa.

Ati “Turi kwigira hamwe nanone uburyo umutekano w’imfungwa n’abagororwa warushaho gukomeza kubungabungwa mu rwego rwo kurinda itoroka no kubahiriza uburenganzira bwabo.”

Abitabiriye umwiherero nibawusoza, bazahabwa inshingano zo kumenyesha abo bakuriye imyanzuro izafatirwamo igamije kubungabunga ubuzima, uburenganzira n’imibereho y’abagororwa n’ababacunga.

Komiseri mukuru wa RCS, CGP George Rwigamba, yashimye umuhate abakozi bagize kugira ngo bimwe mu byiyemejwe mu myiherero yabanje bigerweho birimo kongera umubare w’abacungagereza bavuye ku 1669 umwaka ushize ubu bakaba bageze hafi ku 2000.

Hari ukuvugurura no kongera inyubako za Gereza ya Nyarugenge, Huye, Rwamagana, Ngoma, Nyamagabe na Rubavu.

Hari ugukoresha ibicanwa bitangiza ibidukikije birimo inkwi ahubwo hakimakazwa gucana Biogaz na briquette, mu rwego rwo kwirinda umwanda, indwara z’ubuhumekero n’izindi ngaruka ziterwa no gucana inkwi.

Uyu munsi Gereza umunani muri 13 zikoresha ibicanwa bya briquette mu kurengera ibidukikije n’ubuzima bw’abagororwa n’abacungagereza, izisigaye zikaba zikoresha Biogaz n’inkwi kandi nazo iyo gahunda izazigeraho.

Uyu munsi Gereza eshanu zikoresha inkwi zingana n’amasiteri 1485 ku gihembwe mu gihe zose zikizikoresha zagera ku masiteri 9765, isiteri imwe igura ibihumbi 18Frw.

Icyo gihe Gereza zose 13 bakoreshaga inkwi ziguzwe miliyoni zisaga 175Frw ariko uyu munsi izikoreshwa muri gereza eshanu zisigaye zigurwa asaga miliyoni 26Frw ku gihembwe.

Komiseri mukuru wa RCS, CGP George Rwigamba, yashimye umuhate abakozi bagize kugira ngo bimwe mu byiyemejwe mu myiherero yabanje bigerweho
Uyu mwiherero witabiriye n'abayobozi bakuru ba RCS 55

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza