Rubavu: Akarere kafashe icyemezo cyo gufunga ‘lodges’ 27

Yanditswe na Mukwaya olivier
Kuya 8 Gashyantare 2018 saa 03:36
Yasuwe :
0 0

Akarere ka Rubavu kafashe icyemezo cyo gufunga amacumbi ‘lodges’ 27, afite ikibazo cy’umwanda no gukora nta byangombwa bisabwa mu bakora muri serivise z’ubukerarugendo bw’amacumbi n’amahoteli.

Ayo macumbi yandikiwe n’Umurenge ku wa 18 Mutarama 2018 ko agomba gufunga ntibyakorwa, akarere kabishimangira ku wa Kabiri w’iki cyumweru.

Meya w’Akarere ka Rubabu, Habyarimana Gilbert, agaragaza ko gufunga ayo macumbi ari icyemezo cyafashwe gikwiye.

Yagize ati "Mu by’ukuri ikibazo gihari ni uko abenshi bagiye bafata inzu zo kubamo bakagenda bazihindura ama-lodges , abandi bazita amahoteli. Iyo ugiye ukagenzura isuku y’ahantu hakirirwa abantu benshi ntabwo ari kimwe nk’iyahakirirwa abantu batanu b’umuryango.’’

Mu nama yahuje Meya n’abatanga serivise z’ama lodges, hemejwe ko hagiye gushyirwaho uburyo nibura abagaragaza ko bafite isuku, babura ibindi bike bahabwa igihe cy’ukwezi kuba babyujuje ariko bakaba bakora.

Meya Habyarimana ati “Ubugenzuzi burakomeza, ni ukuvuga ngo abantu bagomba kumenyera gukora bujuje ibyangombwa tukava mu kajagari, tukajya gukora ibintu bisobanutse bifasha koko abanyarwanda ndetse n’abanyamahanga bagana ibi bigo bikora ibijyanye n’ubukerarugendo. Nabo barabyishimiye bavuga ko bagiye gushyira imbaraga mu kuzuza ibisabwa.’’

Amacumbi agaragaramo isuku nke yo hemejwe ko afungwa kugeza igihe azakemura ikibazo.

Abarebwa n’iki kibazo cyo gufungirwa ntibifuza kuvugana n’itangazamakuru.

Inzu zagenewe guturwamo zagizwe lodges zarafunzwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza