Kwamamaza

Rubavu:Bavuze imyato serivisi zibateza imbere bahabwa na Banki y’Abaturage

Yanditswe kuya 10-11-2016 saa 22:35' na Mukwaya Olivier


Abakiliya ba Banki y’Abaturage y’u Rwanda barishimira serivisi nziza bahabwa bavuga ko zibafasha gutera imbere bakikura mu bukene.

Babigaragaje mu busabane Banki y’Abaturage y’ u Rwanda yagiranye n’abakiliya ku nkengero z’ikiyaga cya Kivu, i Rubavu, hashimwa imikoranire myiza ku mpande zombi.

Mu byishimo byinshi , abakiliya ba Banki y’Abaturage bagaragaje ko serivisi ibaha zirimo inguzanyo zibafasha gushyira mu bikorwa imishinga ibateza imbere.

Budoni Jean Bosco yashimye intambwe amaze kugeraho abifashijwemo n’iyi banki.

Yagize ati “Ndashima iyi banki ku ntambwe yangejejeho. Hashize imyaka 15 nkorana na yo ubwo nari umuhinzi w’ibirayi ariko ubu nsigaye naraguye ubucuruzi bwanjye ku bw’inguzanyo bampaye nkaba nararangije kuyishyura.”

Umuyobozi wa Banki y’Abaturage mu Rwanda, Sanjeev Anand yavuze ko mu rwego rwo kurushaho kunoza serevisi nziza itanga, abakiliya bakwiye kwitabira ikoranabuhanga rya telefone aho umukiliya azajya ayifashisha mu kubona serivisi akeneye bitamugoye.

Ati” Umukiliya ahabwa serivisi nyinshi hakoreshejwe uburyo bwa Mobile banking. Ntabwo ari ukuba wareba gusa uko konti yawe ikora, ushobora kuyikoresha wishyura umuriro, amazi, ifatabuguzi ryo kureba televiziyo n’ibindi bitandukanye.”

Yashimangiye ko Banki y’Abaturage ihora iharanira korohereza abayigana hirindwa ko bamara umwanya munini ku murongo.

Mu rwego rwo gukomeza kuzamura Banki y’Abaturage iganishwa aheza, Umuyobozi Mukuru wa Atlas Mara, John Vitalo, yabwiye abakiriya bayo ko bashoyemo imigabane igera kuri 62% ndetse ko imwe mu mpamvu zatumye bashora imari ingana gutyo ari ukubera ko igihugu gitemba amata n’ubuki ndetse kikorohereza abashoramari kugikoreramo.

Ati”U Rwanda ni igihugu cyiza, cyorohereza abashoramari ,gifite umutekano n’ahantu hizewe mu gushora imari. Gifite amategeko meza agenga ibigo by’imari, binyuze muri Banki Nkuru y’Igihugu. Serivisi zose ndetse n’uburyo bw’imitangire y’imisoro bikorwa neza.”

Bamwe m bitabiriye ubusabane na Banki y'Abaturage y'u Rwanda
Umuyobozi Mukuru wa Banki y'Abaturage y'u Rwanda Sanjeev Anand
Umuyobozi Mukuru wa Atlas Mara, John Vitalo

Amafoto:Luqman Mahoro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved