Rubavu: Ubuyobozi bw’ihuriro ry’abamotari bwegujwe na RCA bushinjwa kunyereza umutungo

Yanditswe na Mukwaya olivier
Kuya 18 Kamena 2017 saa 08:12
Yasuwe :
0 0

Nyuma y’ubugenzuzi bw’umutungo bwakorewe amakoperative agize Ihuriro ry’abamotari mu Karere ka Rubavu (UCOTAMRU) bikagaragara ko hari umutungo wanyerejwe, Ikigo cy’igihugu gishinzwe amakoperative (RCA), cyafashe umwanzuro ko abayobozi bakwegura kandi n’umutungo wanyerejwe ukagaruzwa.

Igenzura RCA yakoze ryagaragaje ko amwe mu makoperative y’abamotari agize iri huriro yakoraga uko yishakiye, rimwe na rimwe ntihabeho kubahiriza amategeko agenga amakoperative nko gutanga imisanzu n’ibindi. Ariko iryo genzura ryagiye kuba bitewe na miliyoni zirenga 12 z’amafaranga y’u Rwanda zaburiwe irengero

Mukakiramba Christine ushinzwe ubugenzuzi bw’amakoperative muri RCA, yavuze ko ikigamijwe kwari ukugira ngo amakoperative akore neza yungukira abanyamuryango n’igihugu muri rusange.

Yagize ati “Muri iri huriro harimo kutubahiriza iteko rigenga amakoperative nk’uko bikwiye. Ikigaragara ni uko ubugenzuzi bakorewe na RCA bwagaragaje ko amafaranga yagiye akusanywa ntabwo yagiye agezwa ku makonti ariko baniyemeje ko ayo mafaranga bazayagarura akaza akaba umutungo wa rusange kuko koperative iberaho abanyamuryango, inyungu ikaboneka kuri bose ntibereho umuntu akore ashyira mu mufuka iby’abandi.”

Ihuriro ry’abamotari muri Rubavu rivugwaho kunyereza umutungo, ryanavuzweho kutubahiriza manda ku bayobozi bwegujwe nyuma yo kugera ku bikorwa birimo inyubako ya miliyoni 52 Frw zaturutse ku misanzu y’amakoperative 12 y’abamotari.
Nyuma yo kwegura kw’aba bayobozi hashyizweho ubuyobozi bw’inzibacyuho bugiye gutegura amatora mu minsi icumi iri mbere.

Uwari Umuyobozi w'ihuriro ry'abamotari mu Karere ka Rubavu, Gafora Sentibagwe, wegujwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza