Rubavu: Umurambo w’uruhinja watoraguwe mu mugezi wa Sebeya

Yanditswe na Mukwaya olivier
Kuya 1 Ukwakira 2017 saa 04:37
Yasuwe :
0 0

Mu gitondo cyo kuri iki Cyumweru, abaturage bo mu Murenge wa Rugerer, Akagari ka Kabirizi batoraguye umurambo w’uruhinja mu mugezi wa Sebeya, aho bikekwa ko rwatawe na nyina akimara kurubyara.

Umuvugizi wa Polisi y’u Rwanda mu Ntara y’Iburengerazuba, IP Eulade Gakwaya, yabwiye IGIHE ko bari mu iperereza ngo hamenyekanye uyu mubyeyi wihekuye.

Yagize ati “Mu gitondo hafi saa moya abaturage babonye umurambo w’uruhinja mu mugezi wa Sebeya baratumenyesha. Twaje dutwara umurambo tuwujyana ku bitaro bya Gisenyi ariko uwamutaye ntaramenyekana; turacyari mu iperereza ngo hamenyekane uyu mubyeyi wihekuye.”

Yakomeje agira ti “Turagira inama abantu kwirinda kwambura abana ubuzima, uwemeye gutwita yakwemeye no kurera kuko uru ruhinja nubwo bizemezwa n’abaganga byagaragaraga ko rwavutse uyu munsi.”

Yakomeje avuga ko uwataye umwana aramutse afashwe agahamwa n’icyuaha yahanishwa ingingo ya 143 mu gitabo cy’amategeko ahana, igena igifungo cya burundu.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza