Kwamamaza

Ruhango:Ifu y’imyumbati ituruka muri Tanzania ikomeje gutera abaturage uburwayi

Yanditswe kuya 18-11-2016 saa 12:42' na Thamimu Hakizimana


Abaturage bo mu Murenge wa Byimana mu Karere ka Ruhango mu Ntara y’Amajyepfo baravuga ko bahangayikishijwe cyane n’ifu y’imyumbati bakeka ko ituruka muri Tanzania ikomeje kubatera uburwayi burimo kuribwa umutwe, guhitwa ndetse no kuruka.

Iki kibazo bavuga ko kitamaze iminsi myinshi ndetse bagashimangira ko kigaragaye nyuma y’uko muri ako Karere ka Ruhango batuyemo kari kazwiho kugira ifu nyinshi kandi nziza kabonetsemo indwara y’imyumbati.

Nyuma y’aho iyi ndwara yibasiye ako Karere hari bamwe mu bacuruzi bahise batangira kujya kuzana imyumbati muri Tanzania bakayisheshereza mu Rwanda.

Bavuga ko ifu y’iyo myumbati bahitamo kuyirya kubera ko ariyo ihendutse kuko ikiro cyayo kigura amafaranga y’u Rwanda 300 mu gihe isanzwe iboneka muri ako gace ikiro kigeze kuri 500.

Abarya iyi fu bavuga ko bahura n’ibibazo byo kumererwa nabi mu mubiri kuko bahita batangira kuruka no guhitwa ndetse ko bakira ari uko banyweye amata.

Umwe muri bo waganiriye na RBA yagize ati “Nibyo iriya fu bita Shirumuteto na Mana warakoze iri kutugiraho ingaruka kuko nzi abantu bayiriye bamerewe nabi no kuruka. Twifuza ko ubuyobozi budukurikiranira ibyayo.”

Umuyobozi Wungirije w’Akarere ka Ruhango ushinzwe imari n’Iterambere, Twagirimana Epimaque, yabwiye IGIHE ko nyuma yo kumenya ayo makuru bari gukurikirana iby’iyi myumbati bafatanyije n’abashinzwe ubuziranenge.

Yagize ati “Nkeka ko iki kibazo nta cyumweru gishize tucyumvise ku buryo tukibimenya twahise tujya gukurikirana mu bitaro no mu bigo nderabuzima bitandukanye by’aha ariko dusanga nta muntu n’umwe uharwariye kubera iyo fu.”

Akomeza avuga ko koko muri aka Karere hari imyumbati ihazanwa iturutse muri Tanzania no muri Uganda ariko agahamya ko iba yujuje ubuziranenge kuko n’aho bayicururiza bababwiye ko nta muntu n’umwe bari bumva ko yateye ikibazo.

Ifu y'imyumbati bivugwa ko ituruka muri Tanzania ikomeje gutera abaturage ibibazo by'uburwayi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved