Ruhango:Yatwitswe na ’Kettle’ bimuviramo kwitaba Imana

Yanditswe na IGIHE
Kuya 27 Mutarama 2017 saa 04:35
Yasuwe :
1 2

Umukobwa witwa Ishimwe Clemence wakomokaga mu Karere ka Gisagara, watwitswe na ‘Kettle’ mu cyumweru cyashize, akaza kwitaba Imana ku wa Gatatu tariki ya 25 Mutarama, yashyinguwe kuri uyu wa Gatanu.

Mu buhamya mukuru we yahaye IGIHE yavuze ko Ishimwe yahiye ubwo yari muri ‘Salon de Coiffure’ mu karere ka Ruhango, biturutse kuri mugenzi we bakoranaga wasutse alcool muri Kettle icometse ku mashanyarazi azi ko ari amazi maze ikabatwika.

Yagize ati “Yari muri ‘Salon’ aho yakoraga, abahakora basabye umwe kongera amazi muri Kettle ‘icyuma gishyushya amazi ku mashyanyarazi’, umudamu wari mushya aterura ijerikani ya alcool azi ko ari amazi.Asutsemo bikora ‘circuit’ biraturika.”

“ Murumuna wanjye na we yarimo aho we n’uwo mudamu bakubiswe n’umuriro bitura hasi. Mu gihe abandi barimo babyiganaga bahunga, aho bazanzamukiye basanze urugi rwifunze bahiramo.”

Ishimwe ngo ni we wahiye cyane ari na byo byaje kumuviramo urupfu mu gihe uyu mudamu arwariye mu bitaro bya Kaminuza bya Butare aho atangiye koroherwa.

Aya makuru avuguruza ayari yatanzwe n’abavugaga ko Ishimwe yatwitswe na ‘Casque’, kuba yarangiritse cyane ku mutwe bikaba bishobora kuba byaratewe n’uko yari afite ‘plante’.

Ishimwe witabye Imana nyuma yo gushya

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza