Kwamamaza

Rusizi: Ababyeyi barakekwaho gukuriramo inda umwana wabo

Yanditswe kuya 20-10-2016 saa 13:39' na Sitio Ndoli


Umukobwa w’imyaka 19 utuye mu Kagali ka Burunga, mu Murenge wa Gihundwe aracyekwaho gukuramo inda y’amezi ane abifashijwemo n’ababyeyi be.

Ku mugoroba wo kuri uyu wa Gatatu, tariki ya 19 Ukwakira 2016, nibwo uyu mukobwa yafashwe ahita ajyanwa kwa muganga nyuma y’iminsi umunani akuyemo inda nkuko bitangazwa na Niyodusenga Josué, Umuhuzabikorwa wa DASSO muri uyu murenge.

Yagize ati “Twabimenye ejo saa kumi n’imwe tujyayo dusanga umwana arimo arava cyane. Amakuru dufite ni uko yakuriwemo inda kuwa Kabiri w’icyumweru gishize, tariki ya 11 Ukwakira 2016, abanza guhakana ko yayikuyemo."

Yakomeje atangaza ko umubyeyi we yabanje kwimana amakuru y’umwana we ariko aza kubabwira aho aherereye.

Ati “ Nyina twaramubajije avuga ko umwana adatwite ko yagiye gutembera nyuma aza kutubwira ko ari ku muturanyi, tumusangayo.”

Niyodusenga avuga ko umugambi wo gukuriramo uyu mukobwa inda ushobora kuba waracuzwe n’ababyeyi be babizi.

Ati “Twabajije umwana atubwira ko yari atwite, ariko ku wa Kabiri, umugabo wayimuteye yaje iwabo, bamuha imiti kandi ngo nyina na se bari babizi.”

Uyu mukobwa yahise ajyanwa mu bitaro bya Gihundwe biherereye mu Karere ka Rusizi aho ari gukurikiranwa n’abaganga.

Ingingo ya 163 yo mu gitabo cy’amategeko ahana ibyaha mu Rwanda ivuga ko umuntu wese ukuramo umugore inda ariko nyir’ubwite atabyemeye, ahanishwa igifungo kuva ku myaka 10 kugeza ku myaka 15. Mu gihe babyemeranyijweho, ukuyemo umugore inda ahanishwa igifungo kuva ku myaka ibiri kugeza ku myaka itanu.

Umukobwa ukekwaho gukuramo inda yahise ajyanwa mu bitaro bya Gihundwe aho ari gukurikiranwa n'abaganga

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved