Kwamamaza

Abana babiri barohamye mu mugezi wa Rusizi, umwe akurwamo yapfuye

Yanditswe kuya 24-11-2016 saa 20:17' na Sitio Ndoli


Abana babiri bo mu Mudugudu wa Kabirizi, mu Kagali ka Gahinga, mu Murenge wa Mururu, bagiye koga mu mugezi wa Rusizi uhuza u Rwanda na Repebulika Iharanira Demokarasi ya Congo, maze bararohama umwe akurwamo yashizemo umwuka.

Umunyamabanga Nshingwabikorwa w’Umurenge wa Mururu, Jean Pierre Iyakaremye, avuga ko kuri uyu wa Kane, tariki 24 Ugushyingo, ari bwo aba bana babiri bagiye muri uyu mugezi bogera ku mitumba y’insina, maze ku bw’amahirwe make bararohama, umwe arohorwa ari muzima naho uwitwa Imadou Mirindi w’imyaka 10 aboneka mu masaha ya saa saba n’igice yapfuye.

Ati “Bagiye mu mazi bari ku mitumba bafatanyije, bararohama, umwe baramurohora undi baramubura, barashakisha bamubona yapfuye mu masaha ya saa saba n’igice.”

Iyakaremye umaze amezi atatu ayobora uyu murenge, avuga ko mu gihe ahamaze ari inshuro ya kabiri umwana arohamye muri uyu mugezi.

Uyu muyobozi avuga ko ejo ngo bazakorana inama n’abaturage bo muri aka kagari, mu rwego rwo kubakangurira kurinda abana babo kujya koga mu mugezi wa Rusizi.

Nyuma yo gukurwa mu mazi, nyakwigendera yahise ashyingurwa ku gicamunsi cyo kuri uyu wa Kane.

Umugezi wa Rusizi mu gice cy'Umurenge wa Mururu aho uyu mwana yarohamye

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved