Kwamamaza

Rusizi :’Guest House’ ya Nkombo yari imaze imyaka itatu idakora yarafunguwe

Yanditswe kuya 2-11-2016 saa 11:12' na Sitio Ndoli


Abaturage bo ku birwa bigize umurenge wa Nkombo, mu Karere ka Rusizi, baravuga ko baruhutse ingendo bakoraga bambuka ikiyaga cya Kivu bajya gushaka aho bidagadurira, nyamara hari hubatswe amacumbi (Guest House) yari amaze imyaka itatu yuzuye ariko adakorerwamo.

Ni kenshi abatuye ku kirwa cya Nkombo bagaragaje ko babangamiwe no kubona inyubako za ‘Guest House’ zimaze imyaka 3 zuzuye ariko ntizikorerwemo kandi zaragenewe kubakura mu bwigunge.

Bayavuge Dancille yagize ati “ Iyi nzu ntacyo itumariye kuko ni ukuyireba, bayubatse tuziko izatugirira akamaro none twarayobewe. Hano njye nahahingaga ibishyimbo na soya, ni igihombo kinini twe twagize agahinda twashatse ikintu yubakiwe twarakibuze.”

Nyuma y’aho aya macumbi atashywe ku mugaragaro tariki ya 1 Ugushyingo 2016, bamwe mu baturage bishimira ko babonye aho bazajya bakirira abashyitsi na ba mukerarugendo baza kureba ibyiza bitatse iki kirwa.

Ushizimpumu Theogene ati “Urabona ko tuvuye mu bwigunge, kuba iyi Guest House yari imaze igihe ifunze kuri twe byari igihombo cyane.”

Raporo y’Umugenzuzi Mukuru w’Imari ya leta muri 2015 yagaragaje ko aya macumbi yatinze kuzura no gukorerwamo ndetse n’abadepite bagize komisiyo ishinzwe imikoresherezey’imari n’umutungo bya leta mu Nteko Ishinga Amategeko barayisuye muri Nyakanga 2016, bemeza ko hagaragayemo ibibazo.

Umunyamabanga Nshingwabikorwa w’akarere ka Rusizi, Mushimiyimana Euphrem yavuze ko idindira ry’aya macumbi ryatewe na ba barwiyemezamirimo bagiye bayubaka.

Aya macumbi yatwaye miliyoni 320 harimo ayaturutse mu ngengo y’imari y’akarere, ikaba yaratangiye kubakwa muri 2012 yuzura nyuma y’umwaka umwe ariko itinda gukorerwamo.

Munyaneza Silas, rwiyemezamirimo watsindiye isoko ryo gukoresha aya macumbi yijeje abatuye kuri iki kirwa kubafasha kubona isoko ry’umusaruro ukomoka ku buhinzi n’ubworozi.

Biteganyijwe ko azayikoreramo mu gihe cy’umwaka, ubuyobozi bw’akarere bukavuga ko buzakomeza amasezerano na we biturutse ku mikorere azaba yagaragaje.

Amaherezo Guest House ya Nkombo yari imaze igihe yaradindiye yafunguwe ku mugaragaro
Abatuye ku Nkombo ngo ntibazongera kwambuka amazi bajya gushaka aho bidagadurira

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved