Rusizi: Umusaza w’imyaka 56 yishwe akaswe ijosi n’ibiganza

Yanditswe na Ishimwe Israel
Kuya 24 Ukwakira 2016 saa 07:59
Yasuwe :
0 0

Sinarumaze Jacques w’imyaka 56 wari utuye mu Mudugudu wa Njambwe, mu Kagari ka Gahungeri mu Murenge wa Gitambi ho mu Karere ka Rusizi yishwe n’abantu bataramenyekana akaswe ijosi n’ibiganza ku mugoroba wo kuri iki Cyumweru tariki ya 23 Ukwakira 2016.

Umwe mu baturanyi be, Harerimana Shikama wageze aho uyu musaza yiciwe bwa mbere, yabwiye IGIHE ko yasanze bamukase ijosi.

Ati “ Ni umusaza wakoraga akazi ko kwasa inkwi , yishwe bamukase ijosi barangije basatura n’ikiganza, bakata n’imifuko y’ipantaro yose barayijyana, ijosi barikase ku buryo umutwe wenda kuvaho.”

Umunyamabanga Nshingwabikorwa w’Umurenge wa Gitambi, Niwemugeni Marie Claire yatangarije IGIHE ko byabaye mu masaha ya saa kumi n’ebyiri n’iminota 45 ku mugoroba wo ku Cyumweru.

Ati “ Yego, amakuru dufite ni uko byabaye hagati ya saa kumi n’ebyiri n’iminota 45. Nta muntu urafatwa ucyekwaho kugira uruhare mu rupfu rwe.”

Sinarumaze Jacques w’imyaka 56 asize abana barindwi n’umugore.

Ibiro by'Akarere ka Rusizi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza