Kwamamaza

Rusizi: Umusore yasanzwe hejuru y’ifuru y’amakara yapfuye

Yanditswe kuya 28-10-2016 saa 12:33' na Sitio Ndoli


Nshimiyimana Valens w’imyaka 19 bamusanze yapfuye ari hejuru y’ifuru y’amakara (aho bayatwikira) mu Mudugudu wa Banamba, mu Kagali ka Rasano mu Murenge wa Bweyeye.

Ibi byabaye mu masaha ya saa kumi n’ebyiri za mugitondo kuri uyu wa
Kane tariki ya 27 Ukwakira 2016.

Umwe mu baturage bahageze muri ayo masaha biba, yabwiye IGIHE ko umurambo w’uyu musore bawusanze hejuru y’ifuru yarutse ubugari bw’ imyumbati.

Ati " Nibyo koko twamusanze hejuru y’ifuru y’amakara yapfuye imbere ye hari ubugari bw’imyumbati bigaragara ko ari ubwo yarutse."

Amakuru aturuka mu Murenge wa Bweyeye aravuga ko abantu babiri bamaze gutabwa muri yombi, aho bari gukurikiranwa nk’uko Rwasine Herimani ushinzwe imibereho myiza y’Abaturage mu Murenge wa Bweyeye yabitangaje.

Ati “Ubu dutegereje igisubizo cyo kwa muganga kuko umurambo bawujyanye mu bitaro i Gihundwe, Ntabwo bigaragara ko yahiye. Hari abantu babanaga na we bari bafitanye ikibazo, ni babiri bacyekwa. Umwe muri bo hari amakuru yavugaga ko yigeze gushaka kumutema akoresheje ishoka, basanze imbere ye hari ubugari ariko ntabwo wakwemeza ko ari ubwo yarutse.”

Uyu muyobozi avuga ko Nshimiyimana ashobora kuba yarozwe, gusa ngo ibiri buve mu isuzuma ni byo biri bwemeze icyamuhitanye.

Nshimiyimana Valens yavukaga mu Murenge wa Kitabi mu Karere ka Nyamagabe, akaba yabaga muri uyu murenge akorera umuntu akazi ko gutwika amakara.

Yitabye Imana kandi ngo yari yaraye mu kazi (atwika amakara) ari na ho yasanzwe yapfuye.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved