Kwamamaza

Rusizi: Umusore w’imyaka 21 yarohamye mu Mashyuza, arapfa

Yanditswe kuya 28-11-2016 saa 21:26' na Sitio Ndoli


Mazimpaka Ernest yarohamye mu mugezi w’amashyuza uherereye mu murenge wa Nyakabuye, mu Karere ka Rusizi nyuma y’uko we na mugenzi we bari bagiye koga, ahita yitaba Imana.

Ku mugoroba wo kuri iki Cyumweru, tariki ya 27 Ugushyingo nibwo Mazimpaka yarohamye, umusore bari kumwe agerageza gutabaza ariko birananirana.

Kuri uyu wa mbere tariki ya 28 Ugushyingo 2016, umurambo w’uyu musore uvuka mu Kagari ka Mwezi mu Murenge wa Karengera, mu Karere ka Nyamasheke nibwo wagaragaye ku nkengero z’umugezi w’amashyuza.

Mazimpaka w’imyaka 21, yari yaje gusura inshuti ze zituye mu kagari ka Kiziho mu Murenge wa Nyakabuye, ashaka kujya koga mu mashyuza nkuko Umunyamabanga Nshingwabikorwa w’Umurenge wa Nyakabuye James Ngirabatware yabibwiye IGIHE, ari naho yaje guhita arohama.

Ati “Ni byo koko mu masaha ya saa kumi n’ebyiri za nimugoroba, hari umusore wagiye koga mu mashyuza ari kumwe na mugenzi we, icyagaragaye ni uko yibiye mu mashyuza ntiyongera kugaragara. Uyu munsi mu masaha y’igitondo nibwo umurambo wagaragaye, wakuwemo ujyanwa mu bitaro bya Mibirizi.”

Ngirabatware yakomeje atangaza ko ubusanzwe ku Mashyuza hahora umuntu ushinzwe kurohora abantu ariko kuri iki Cyumweru akaba atari ahari.

Abarohama mu mugezi w’amashyuza abenshi usanga bakurikiranye amazi yaho bavuga ko ananura imitsi akanabaruhura.

Hari hashize imyaka igera kuri ibiri nta muntu urarohama muri uyu mugezi.

Mazimpaka yarohamye mu Mashyuza ahita yitaba Imana

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved