Kwamamaza

Rusizi: Umusore w’umushumba yaguye mu kizenga cy’amazi arapfa

Yanditswe kuya 20-11-2016 saa 12:36' na Sitio Ndoli


Mutuyimana Zabrone, umusore uri mu kigero cy’imyaka 19 wo mu Mudugudu wa Rwamiko, Akagali ka Kigenge, mu Murenge wa Giheke, kuri uyu wa Gatandatu yarohamye mu kizenga cy’amazi ubwo yari agiye koga ahita apfa.

Umunyamabanga Nshingwabikorwa w’Umurenge wa Giheke, Nsabimana Théogene, avuga ko uyu musore usanzwe ukora akazi ko kuragira inka, yari kumwe n’abandi bana bagiye koga muri iki kizenga, maze we ajyamo mbere y’abandi ari nabwo yahitaga arohama, bagenzi be bagerageza kumukuramo ariko bikanga.

Ati “Yari umushumba waragiriraga umuturage, ejo yagiye kuragira inka ajyamo agiye koga aba aguyemo, abana bagenzi be bagerageza kumukuramo birananirana."

Nsabimana avuga ko kuri iki cyumweru ari bwo umurambo w’uyu musore wabonetse wizamuye hejuru y’amazi, ku buryo ugiye kujyanwa ku bitaro bya Gihundwe kugira ngo ukorerwe isuzuma.

Iki kizenga Mutuyimana yaguyemo, gifite hagati ya metero 18 na 20 z’umurambararo n’ubujyakuzimu buri hagati ya metero 8 na 10. Ngo cyacukuwe na sosiyete Safira Mining Cyangugu (SMC), ubwo yakiyunguriragamo amabuye y’agaciro yo mu bwoko bwa ’Safira’ yacukuraga.

Akomeza avuga iki kizenga kimaze umwaka kidakoreshwa kubera ko iyi sosiyete yahagaritse imirimo yayo kubera amakimbirane ayirimo bikanatuma ijya mu nkiko.

Ati “Hari amakimbirane ari hagati yabo ariko baracyakora, umwaka urarenga badacukura kubera ibibazo biri muri sosiyete yabo bituma batagicukura, bari mu manza.”

Ubuyobozi bw’uyu murenge bukangurira ababyeyi kurinda abana babo kugera kuri iki kizenga ndetse ngo bunavugane n’ubuyobozi bw’iyi sosiyete kugira ngo babashe kugifunga.

Uwo musore ngo yarohamye agiye koga/ifoto: Internet

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved