Rutsiro: Umujura yarashwe agerageza gutema abapolisi

Yanditswe na Mukwaya Olivier
Kuya 21 Gicurasi 2019 saa 09:22
Yasuwe :
0 0

Umujura utaramenyekana umwirondoro yarashwe mu ijoro ryakeye ashaka gutema abapolisi ubwo yageragezaga kwiba mudasobwa mu Rwunge rw’Amashuri rwa Kinihira.

Uru Rwunge rw’Amashuri ruherereye mu Murenge wa Kigeyo mu Karere ka Rutsiro.

Umunyamabanga Nshingwabikorwa w’Umurenge wa Kigeyo, Nkusi Pontien, yemeje aya makuru avuga ko uyu warashwe yashakaga gutema abapolisi.

Yavuze ko mu ijoro ryakeye, abajura batatu bagiye kwiba mudasobwa mu Rwunge rw’Amashuri rwa Kinihira, batangira gucukura gusa ubwo Polisi yabageragaho bashatse kuyirwanya.

Ati “Muri iyi minsi hari umukwabo wo kurwanya ubujura bwa mudasobwa, abapolisi baje nka saa saba basanga batangiye gucukura icyumba kibikwamo mudasobwa uwabacungiraga [abajura] abereka ikimenyetso, atera ibuye ku ibati abwira mugenzi we ngo uza amuteme n’uko agenda asatira abapolisi bahita bamurasa.”

Ntabwo amazina y’uwapfuye uramenyekana gusa kuri ubu yajyanywe ku bitaro bya Murunda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza