Kwamamaza

RwandAir yongeye guhabwa icyemezo ku bijyanye n’umutekano mu mikorere

Yanditswe kuya 8-11-2016 saa 22:35' na Ntakirutimana Deus


Ishyirahamwe mpuzamahanga rishinzwe ingendo z’indege (IATA) ryongeye guha Sosiyete Nyarwanda y’Ingendo zo mu kirere, RwandAir, icyemezo cyo gukomeza no kwagura imikorere yayo hirya no hino ku Isi nyuma yo gukorerwa igenzura ku bijyanye n’umutekano mu bijyanye n’imikorere.

Iryo genzura ryitwa Iosa(IATA Safety Audit for Ground Operations), ni ukuvuga uburyo bwemewe ku rwego mpuzamahanga, bugamije kugenzura no gusesengura imikorere y’amasosiyete akora ingendo zo mu kirere , ritangirwa icyemezo kimara imyaka ibiri, aho sosiyete zitandukanye ku Isi zikora iby’ingendo z’indege zongera gukorerwa iryo genzura.

Rwandair yakorewe igenzura muri Nyakanga 2016 na sosiyete ya WAKE QA, amakuru yabonye yemezwa na IATA ari nayo itanga icyemezo.

Iryo genzura riba ryifashisha ibipimo mpuzamahanga rigamije kugenzura no gusesengura imikorere ya sosiyete zikora ubwikorezi bwo mu kirere kugira ngo hagabanywe ibyago , ibyakwangizwa ndetse n’impanuka.

Umuyobozi mukuru wa RwandAir, John Mirenge yagize ati“ Hamwe n’ibi tumaze kugeraho, RwandAir izakomeza gutanga serivisi nziza, mu ituze n’umutekano biri ku rwego mpuzamahanga ku bakiliya bayo ndetse n’abafite indege zabo (Private jets)zikoresha ikibuga mpuzamahanga cy’indege cya Kigali, ari nako irushako kongera umusaruro.”

Mirenge yavuze ko iyi sosiyete itari kugera kuri urwo rwego iyo abakozi bayo batarangwa n’umurava ndetse no gukora igihe n’imburagihe.

Guhabwa icyi cyemezo birashimangira imikorere myiza ya RwandAir mu bijyanye n’ubwikorezi bwo mu kirere, kandi kikaza kiyongera ku bindi bitandukanye iyi sosiyete yahaye RwandAir.

Nubwo RwandAir ari imwe muri sosiyete z’ingendo zo mu kirere imaze igihe gito ikora ugereranyije n’izindi muri Afurika, izwiho kubahiriza igihe, gutanga serivisi nziza ku bagenzi ndetse no kugira umutekano.

Sosiyete RwandAir ikorera ingendo zayo mu mijyi 19 ku Isi; irimo ibice by’Iburengerazuba, amajyepfon’Iburasirazuba bw’Afurika ndetse no mu burasirazuba bwo hagati.

Iyi sosiyete iherutse kugura indege nini ya A330, nyuma ikazakurikirwa n’izindi izagura zirimo (B737- 800NG izagera mu Rwanda mu Ugushyingo 2016 n’indi itegerejwe mu Gicurasi 2017.

Iyo ndege izahagera muri 2017 izatuma yagura ingendo zayo aho itageraga muri Afurika, Aziya, mu Burayi no muri Leta Zunze Ubumwe za Amerika.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved