Kwamamaza

Sena yemeje abayobozi bashya barimo Rugwabiza na ba Guverineri batatu

Yanditswe kuya 20-10-2016 saa 21:33' na Cyprien Niyomwungeri


Inteko rusange ya Sena yateranye ku gicamunsi cyo kuri uyu wa Kane tariki 20 Ukwakira 2016, yemeje ko Rugwabiza Valentine ahagararira u Rwanda mu Muryango w’Abibumbye na ba Guverineri batatu baherutse gushyirwaho bagatangira imirimo yabo.

Sena yemeje ko Mureshyankwano Marie Rose aba Guverineri w’Intara y’Amajyepfo, Kazaire Judith akaba Guverineri w’Intara y’Uburasirazuba naho Musabyimana Jean Claude akaba Guverineri w’Intara y’Amajyaruguru.

Kuwa Kabiri tariki ya 4 Ukwakira 2016 nibwo Guverinoma nshya ndetse n’abayobozi ku rwego rw’Intara batangajwe binyuze mu itangazo ryashyizweho Umukono na Minisitiri w’Intebe Anastase Murekezi.

Rugwabiza Valentine wahoze ayobora Minisiteri y’ibikorwa by’umuryango wa Afurika y’Uburasirazuba (Mineac) yahawe guhagararira u Rwanda mu muryango w’Abibumbye asimbuye Eugene Gasana. Ni nyuma y’uko Minisiteri yayoboraga yahujwe na Minisiteri y’Ubucuruzi n’Inganda.

Mureshyankwano Marie Rose wari Umudepite yahawe kuyobora Intara y’Amajyepfo asimbuye Munyantwari Alphonse wimuriwe mu y’Uburengerazuba.

Kazaire Judith yagizwe Guverineri w’Intara y’Uburasirazuba asimbuye Uwamariya Odette wagizwe Umunyamabanga Uhoraho muri Minisiteri y’Ubutegetsi bw’Igihugu, Musabyimana Jean Claude asimbura Bosenibamwe Aimee ku buyobozi bw’Intara y’Amajyaruguru.

Abandi bayobozi Inteko rusange ya Sena yemeje barimo Ambasaderi Masozera Robert, wemerewe kuba Umuyobozi Mukuru w’Ikigo cy’Ingoro z’Umurage w’u Rwanda (INMR) na Dr. Cybahiro Bagabe Mark, wemerewe kuba Umuyobozi Mukuru w’Ikigo gishinzwe Iterambere ry’Ubuhinzi n’Ubworozi mu Rwanda (RAB).

Abasenateri bemeje abayobozi baherutse guhindurirwa inshingano

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved