Kwamamaza

Sudani y’Epfo: Abadepite bahunze igihugu bajya kwifatanya na Machar i Khartoum

Yanditswe kuya 20-10-2016 saa 11:21' na Cyprien Niyomwungeri


Abadepite bane mu Nteko Ishinga Amategeko ya Sudani y’Epfo bahungiye mu Mujyi wa Khartoum muri Sudani, banatangaza ko beguye muri Guverinoma iyobowe na Perezida Salva Kiir.

Abo badepite ni Gatwech Lam Puoch wari uhagarariye Intara ya Nassir akaba n’umuyobozi w’ibijyanye n’ubucuruzi n’ubucukuzi bw’amabuye y’agaciro, Pasquele Clement Batali wari uhagarariye intara ya Nagero akaba n’umuyobozi ushinzwe ubuhinzi n’umutungo kamere, Martin Martin Mabil Kong wari uhagarariye intara ya Rubkona na Justin Joseph Marona.

Nkuko Chimp Reports ibitangaza,ejo kuwa gatatu nibwo abo badepite batangaje ko beguye, bakaba biyunze n’uwahoze ari Visi Perezida Riek Machar.

Bagaragaje impamvu esheshatu zatumye bafata icyo cyemezo ariko iy’ibanze ni ubwicanyi n’ihohoterwa rikomeje gufata indi ntera mu gihugu ndetse n’imiterere y’ubutegetsi muri icyo gihugu iki gihe.

Banenga Perezida Kiir n’akanama ngishwanama ‘Jieng Council of Elders’ kuba intandaro yo gutubahiriza amasezerano y’amahoro no guhagarika intambara yashyizweho umukono n’impande zombi.

Mu ibaruwa yahurijwemo ubwegure bwabo bagira bati “Amasezerano yo kurangiza amakimbirane muri Repubulika ya Sudan y’Epfo yishwe na Kiir ashyingurwa na Taban Deng Gai.”

Ikomeza igira iti “Imirwano yabereye mu ngoro y’Umukuru w’Igihugu kuwa 8 Nyakanga, yagagaraye nk’intangiriro y’ikindi gihe cy’intambara iteruye. Perezida Kiir n’abajyanama be nibo bacurabwenge b’ihohoterwa ridasobanutse.”

Imirwano yabereye mu ngoro y’Umukuru w’Igihugu bivugwa ko yahitanye abagera kuri 300 barimo abarindaga Perezida Kiir na Visi Perezida Machar.

Machar aherereye i Khartoum muri Sudani yivuza. Ku rundi ruhande ariko ngo hari amakuru avuga ko ashobora kuba agiye kugaruka mu ntambara.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved