Tanzania yiteguye guha u Rwanda abarimu bigisha Igiswahili

Yanditswe na Mukaneza M.Ange
Kuya 20 Mata 2017 saa 06:58
Yasuwe :
1 0

Nyuma y’aho u Rwanda rushyize Igiswahili mu ndimi zikoreshwa mu butegetsi, rukaba ari n’ururimi rwigishwa mu mashuri, Perezida wa Tanzania, John Pombe Magufuli, yatangaje ko igihugu cye cyiteguye guha u Rwanda abarimu bigisha uru rurimi.

Mu ntangiriro z’uyu mwaka Inteko Ishinga Amategeko y’u Rwanda yemeje itegeko ryo kongera Igiswahili mu ndimi zikoreshwa mu butegetsi.

EATV yatangaje ko kuri uyu wa 20 Mata 2017 Perezida Magufuli yakiriye Minisitiri w’uburezi w’u Rwanda, Dr. Musafiri Papias Malimba, nyuma yo kumushyikiriza ubutumwa bwa Perezida Paul Kagame bakaba baganiriye ku ngingo zirimo iterambere ry’ubumenyi n’ikoranabuhanga.

Magufuli kandi yagarutse ku cyemezo u Rwanda rwafashe cyo kwigishwa Igiswahili mu mashuri, avuga ko ari ibyo kwishimira kandi Tanzania yiteguye gutanga abarimu bazajya bigisha uru rurimi, dore ko ari narwo rukoreshwa muri iki gihugu.

Mu kiganiro na Ayo TV, Minisitiri Musafiri ntiyagize icyo atangaza ku bijyanye no kuba Tanzania yemereye u Rwanda abarimu b’Igiswahili, yavuze ko ibiganiro byabo byibanze ku bufatanye mu guteza imbere ubumenyi n’ikoranabuhanga.

Yagize ati ”Ubutumwa namushyikirije ni uburebana n’umubano mwiza uri hagati y’aba bakuru b’ibihugu babiri, n’abaturage b’ibi bihugu. Ibiganiro bikaba byibanze ku burezi, ubufatanye mu guteza imbere inzego z’ubumenyi, ikoranabuhanga n’ubuvumbizi.”

Yakomeje avuga ko ibihugu byombi bifata ubumenyi n’ikoranabuhanga nk’ibintu by’ingenzi mu kubaka ubukungu bw’igihugu, n’ubw’umugabane wose muri rusange.

Igiswahili ni ururimi rukoreshwa cyane mu miririmo y’ubucuruzi mu bihugu bihuriye mu Muryango wa Afurika y’Uburasirazuba ( EAC) cyane cyane Tanzania na Kenya. U Rwanda rumaze imyaka 10 rwinjiye muri uyu muryango.

Ingingo ya 137 y’Amasezerano ashyiraho uyu muryango yashyiriweho umukono Arusha muri Tanzaniya kuwa 30 Ugushyingo 1999 nk’uko yavuguruye kugeza ubu, ivuga ko ibihugu biwugize bisabwa guteza imbere ururimi rw’Igiswahili nk’ururimi bihuriyeho.

Perezida wa Tanzania, John Pombe Magufuli

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244