Kwamamaza

U Bufaransa: Urukiko rwateye utwatsi ibyo kohereza mu Rwanda Padiri Hitayezu

Yanditswe kuya 27-10-2016 saa 14:30' na Cyprien Niyomwungeri


Urukiko rw’Ikirenga mu Bufaransa rwamaze gufata umwanzuro kuri dosiye ya Padiri Marcel Hitayezu, Umunyarwanda w’imyaka 58 uba mu Bufaransa, ukekwaho uruhare muri Jenoside yakorewe Abatutsi mu Rwanda, rwemeza ko adakwiye koherezwa mu Rwanda.

Muri Kamena 2015, Ubushinjacyaha bw’u Rwanda bwamushyiriyeho impapuro mpuzamahanga zisaba ko yatabwa muri yombi kubera ibyaha bya Jenoside n’ibyibasiye inyokomuntu akekwaho gukorera muri Paruwasi yabagamo ya Mubuga, mu Karere ka Karongi.

Hatitawe ku bindi byemezo byari byafashwe birimo icy’urukiko rw’ubujurire rwa Poitiers muri Nyakanga rwari rwashyigikiye ko Padiri Hitayezu yoherezwa mu Rwanda, abacamanza banze kumwohereza ngo aburanishwe ku byaha bya Jenoside akekwaho gukora hagati ya tariki ya 10 na 14 Mata 1994.

Nkuko lanouvellerepublique.fr ibitangaza, ngo abacamanza b’uru rukiko bagendeye ku kuba mu nyandiko zakozwe n’abayobozi ba kera mu Rwanda, nta ngingo n’imwe yagarukaga ku cyaha cya Jenoside igaragaramo.

Urukiko rw’Ikirenga rwavuze kandi ko kuba nta ngingo zifatika zisobanura birambuye ibiranga icyaha cya Jenoside byavugwaga mu gitabo cy’amategeko ahana y’u Rwanda mu 1994, byaba imbogamizi hibazwa niba ibikorwa bivugwa, byahanwa n’amategeko y’u Rwanda.

Urukiko rw’Ikirenga rwashingiye kuri iyi ngingo, rwanzura ko Padiri Hitayezu atacyoherejwe kuburanishirizwa mu Rwanda nkuko rwabisabwe, ndetse rumuhanaguraho ibyaha bya Jenoside yashinjwaga n’ubushinjacyaha.

Hitayezu wigisha ijambo ry’Imana muri diyoseze ya Rochelle et Saintes
mu Bufaransa, nk’umupadiri unafite ubwenegihugu bwaho, yakunze guhakana uruhare rwe muri Jenoside.

Si ubwa mbere ubutabera bw’u Bufaransa buhanaguraho ibyaha abakekwaho Jenoside, kuko mu mpera z’umwaka ushize nabwo abacamanza bakoraga iperereza ku ruhare rwa Padiri Wenceslas Munyeshyaka muri Jenoside yakorewe Abatutsi mu 1994, batangaje ko bahagaritse gukurikirana iyi dosiye.

Imwe mu mpamvu batanze ngo ni uko iperereza ritagaragaje ibikorwa cyangwa uruhare rudashidikanywaho rwa Padiri Munyeshyaka muri Jenoside.

Padiri Hitayezu (ibumoso) yakunze guhakana uruhare rwe muri Jenoside

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved