Kwamamaza

U Rwanda rwahawe inota rya B+ mu kugira ubukungu bwifashe neza

Yanditswe kuya 19-11-2016 saa 14:11' na Cyprien Niyomwungeri


Ikigo Mpuzamahanga gikurikirana ibijyanye n’imyenda n’ubushakashatsi mu by’imari, Fitch Ratings, cyahaye u Rwanda inota rya B+ kigaragaza ko ubukungu bw’u Rwanda buhagaze neza ndetse n’ahazaza habwo hameze neza.

Impamvu y’iri nota ni uko bemeranya na Guverinoma y’u Rwanda ko ikinyuranyo hagati y’ibyoherezwa mu mahanga kizaba kibi mu 2016 ugereranyije n’impuzandengo ya 2015, bizera ko mu 2017 hazabaho impinduka, aho kizaba kingana na 11.8% by’umusaruro mbumbe, GDP, bikanakomeza gutyo mu gihe giciriritse.

Fitch Ratings kandi ivuga ko guhabwa ‘B+’ ari uko izamuka ry’ibiciro ku masoko riri hasi kandi u Rwanda rukaba rwarabashije kurigumisha ku gipimo gikwiye bigendanye n’iterambere ry’ubukungu. Hiyongeraho kuba amafaranga y’umwenda rufite ari make ugereranyije n’icyiciro ruherereyemo no gukomeza gukora amavugurura ku bufatanye n’Ikigega Mpuzamahanga cy’Imari, IMF n’imiyoborere myiza.

Impamvu z’ingenzi zishobora gutuma iri terambere riramba zirimo gukomeza kugabanya ikinyuranyo hagati y’ibyo igihugu gitumiza hanze n’ibyo cyoherezayo, kugira uruhare runini rw’imisoro muri GDP kuruta urwari rwitezwe no gukorana n’ibindi bihugu.

Bimwe mu bishobora gukoma mu nkokora gukomeza kugira umwanya mwiza mu bukungu, harimo kuba igihugu cyananirwa kuziba icyuho kiri hagati y’ibitumizwa mu mahanga n’ibyoherezwayo, kubura imari shingiro y’igihe kirekire, inkunga z’amahanga n’inguzanyo bikagabanuka, ibibazo by’umutekano muke no kugabanuka k’umusaruro w’imbere mu gihugu.

Ubu busesenguzi buhuye neza n’ubwakozwe na Minisiteri y’Imari n’Igenamigambi na Guverinoma y’u Rwanda. U Rwanda rukaba rukomeje gukora amavugurura ashoboka kugira ngo rukomeze kugira ubukungu butekanye.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved