Kwamamaza

U Rwanda rwaje ku isonga muri Afurika mu kuvugurura gahunda n’inzego z’igihugu

Yanditswe kuya 19-11-2016 saa 08:36' na Cyprien Niyomwungeri


Raporo ya Banki y’Isi yerekanye ko u Rwanda rwongeye kuza imbere y’ibindi bihugu muri Afurika yo munsi y’ubutayu bwa Sahara, mu manota atangwa mu igenzura ku mavugurura muri gahunda zitandukanye mu gihugu n’ibigo binyuranye, Country Policy and Institutional Assessment (CPIA).

Ni ku nshuro ya kabiri rwikurikiranya aho rwagize amanota 4.0 kuri 6. U Rwanda n’Ibirwa bya Samoa bikaba byaje imbere mu bihugu byahawe inkunga n’Ikigega cy’Iterambere Mpuzamahanga, IDA.

Itangazo rigenewe abanyamakuru rya Minisiteri y’Imari n’Igenamigambi, rigaragaza ko amanota y’u Rwanda arenze impuzandengo y’amanota ya Afurika yo munsi y’ubutayu bwa Sahara angana na 3.2.

Minisitiri w’Imari n’Igenamigambi, Gatete Claver, yavuze ko ibyatangajwe n’iyi raporo ari amakuru meza ashimangira umurongo wo kurandura ubukene mu Banyarwanda.

Yagize ati “Aya ni amakuru meza kuri twe, ni ikimenyetso gifatika kigaragaza icyizere Banki y’Isi ifitiye politiki n’imikorere byacu. Biragaragaza ko turimo kwerekeza igihugu aheza mu bijyanye no kurandura ubukene no guharanira iterambere rirambye. Ni igihamya cy’uko u Rwanda rushyigikiye imicungire y’imari ya leta mu mucyo ukwiye.”

Amanota ya CPIA atangwa hasuzumwa intambwe yatewe n’imbogamizi zugarije ibihugu bikennye, hagamijwe kureba ahashyirwa inguzanyo zihendutse cyangwa impano zigenewe ibihugu biri mu cyiciro cyemerewe inkunga z’Ikigega cya Banki y’Isi gishinzwe Iterambere mpuzamahanga, IDA.

Hibandwa ku bintu 16 biri mu nzego enye zirimo uburyo ubukungu bw’igihugu bubungabungwa, gahunda zizamura imibereho rusange, imikorere y’urwego rw’abikorera n’izindi nzego. Ibihugu bihabwa amanota kuva kuri 1 nk’inota riri hasi kugeza kuri 6 nk’inota riri hejuru.

Amanota meza ya CPIA ashimangira icyizere igihugu gifitiwe mu mikorere yacyo akifashishwa mu kureba imikorere y’inzego ariko cyane cyane akagira igisobanuro kinini ku bashoramari mpuzamahanga n’abagiraneza.

Ku rwego rwa Afurika yo munsi y’ubutayu bwa Sahara, u Rwanda rukurikiwe na Cape Vert, Kenya na Senegal bifite amanota 3.8.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved