U Rwanda rwasinye amasezerano yo guhuza amakuru aca kuri internet

Yanditswe na Jean Pierre Tuyisenge
Kuya 19 Ukwakira 2016 saa 06:08
Yasuwe : XX
0

U Rwanda rufatanyije na Smart Africa ushinzwe ikoreshwa ry’ikoranabuhanga ku mugabane wa Afurika basinyanye amasezerano n’Ikigo cyashyizeho uburyo bwo guhuza amakuru aca kuri Internet cyo mu Busuwisi cya Dona Foundation, atuma kiba kimwe mu bihugu birindwi ku Isi bifite ubwo bushobozi.

Ikigo cy’Igihugu gishinzwe kugenzura imirimo imwe n’imwe ifitiye igihugu akamaro RURA, gitangaza ko ubu ari uburyo buzagirira akamaro abanyarwanda n’umugabane wa Afurika muri rusange.

Umuyobozi Mukuru wa RURA, Patrick Nyirishema yagize ati “ Dusinye amasezerano ashyira u Rwanda mu bihugu bifite ubushobozi bwo guhuza amakuru y’ibica kuri Internet. Mu ikoranabuhanga twari dufite mu Rwanda hari ikindi twongeyemo kizorohereza abantu uburyo bwo kubaka amaporogaramu, bizatuma imikorere ya Internet inoga kandi ifite umutekano.”

Minisitri w’Urubyiruko n’Ikorabuhanga, Jean Philbert Nsengimana yasobanuye ko ubu buryo bugiye gutuma internet izajya ikoreshwa mu buryo burimo umutekano kurushaho.

Yagize ati “ Nubwo internet ari nziza ariko hatekerejwe ubundi buryo yakoreshwa mu buryo bwizewe bufite umutekano, bufite uburyo bwiza bwo kubika amakuru aho kujya mu ntoki z’abatayagenewe."

Gusinya amasezerano byakozwe uyu munsi bivuze ko u Rwanda rubaye urwa kabiri ku mugabane wa Afurika nyuma ya Afurika y’Epfo, rukaba ruhawe uburenganzira bwo kuzaba ari rwo rugenzura ubwo buro bushya bwo gukoresha Internet.

Minisitiri Philbert yasobanuye ko ibindi bihugu bizajya bishaka gukoresha ubwo buryo bizajya bibanza kubisaba u Rwanda.

Umuyobozi Mukuru wa Smart Afrika, Dr Hamadoun Touré, yavuze ko kuba u Rwanda rusinye aya masezerano bihaye umugabane wa Afurika agaciro.

Yagize ati “Ubusanzwe ibintu byose byajyaga bikorerwa kure ya Afurika bakaza bakabidutura hejuru, ariko ubu ibindi bihugu na byo bigiye kuza guhaha iryo koranabuhanga kuri uyu mugabane.”

Umuyobozi wa Dona foundation, Robert Khan, umwe mu bashinzwe Internet ku Isi, avuga ko nyuma yo kuyihanga batigeze batekereza ko yazagera ku rwego igezeho, burimo n’ubukoreshwa n’abashaka kwiba amakuru.

Uyu yarongeye aricara ahanga ubundi buryo bushya bwakoreshwa bwizewe yise Digital Object Architecuture, bworoshye mu kurinda umutekano w’amakuru ahererekanywa kuri internet kandi akabitanga ku buntu.

Umuyobozi mukuru wa RURA n'uwa Smart Africa basinyana amasezerano na Robert Kahn
Umuyobozi wa Smart Africa, Dr. Hamadoun Touré
Dr Robert Kahn wahimbye imikorere ya Internet
JPEG - 218.3 kb
Umuyobozi Mukuru wa RURA Patrick Nyirishema

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE