Kwamamaza

U Rwanda rwiteguye gutangira gushyira mu bikorwa amasezerano ku mihindagurikire y’ibihe

Yanditswe kuya 7-11-2016 saa 07:10' na IGIHE


Guhera kuri uyu wa Mbere tariki 7 Ugushyingo, i Marrakech muri Maroc haratangira inama ya 22 yiga ku mihindagurikire y’ibihe, COP22, ikaba ihuza abafite aho bahuriye n’ibidukikije, bigira hamwe icyakorwa n’inzego zitandukanye mu rwego rwo gushyiraho ingamba zo kurwanya imihindagurikire y’ibihe.
Iyi nama izageza kuwa 18 Ugushyingo 2016, izahuriza hamwe amagana y’abayobozi baturutse mu bihugu binyuranye, bigire hamwe icyakomeza gukorwa kugira ngo amasezerano ya Paris n’aya Montreal aherutse (...)

Guhera kuri uyu wa Mbere tariki 7 Ugushyingo, i Marrakech muri Maroc haratangira inama ya 22 yiga ku mihindagurikire y’ibihe, COP22, ikaba ihuza abafite aho bahuriye n’ibidukikije, bigira hamwe icyakorwa n’inzego zitandukanye mu rwego rwo gushyiraho ingamba zo kurwanya imihindagurikire y’ibihe.

Iyi nama izageza kuwa 18 Ugushyingo 2016, izahuriza hamwe amagana y’abayobozi baturutse mu bihugu binyuranye, bigire hamwe icyakomeza gukorwa kugira ngo amasezerano ya Paris n’aya Montreal aherutse kuvugururirwa i Kigali ashyirwe mu bikorwa.

Biteganyijwe ko Perezida Kagame w’u Rwanda n’itsinda ayoboye bazitabira iyi nama ya COP22 ibera muri Maroc.

Minisitiri w’Umutungo Kamere, Dr.Vincent Biruta, yabwiye The New Times ko muri iyi nama u Rwanda ruzibanda ku ruhare rwarwo mu kubahiriza amasezerano ya Paris no kugera ku ntego rwiyemeje.

Yagize ati “Muri rusange, icyo u Rwanda rwiteze mu nama ya Marrakech ni uko ibihugu byinshi bishyira imbere ingamba zo kwita ku mihindagurikire y’ibihe kandi inkunga yemerewe ibihugu ngo bishyire mu bikorwa amasezerano ya Paris n’aya Kigali ikaboneka. Iki ni igihe cyo gukora.”

Mu Ukwakira uyu mwaka iteka rya Perezida wa Repubulik y’u Rwanda ryemeje amasezerano ya Paris, rugeza inyandiko yayo mu bunyamabanga bw’Umuryango w’Abibumbye. Aya masezerano yatangiye gukurikizwa mu cyumweru gishize nyuma yo kwemezwa na bimwe mu bihugu by’ingenzi.

Akubiyemo ingingo nyinshi zirimo izigamije kugabanya ikwirakwizwa ry’imyotsi, gutera inkunga ibikorwa bigamije guhangana n’imihindagurikire y’ikirere, guharanira ubukungu butangiza ibidukikije (green economy), no kugabanya ubushyuhe kugera kuri ‘degrees Celsius’ hagati y’imwe n’igice n’ebyiri (1.5 – 2).

Inama ya Marrakech izashakira hamwe gahunda zihariye buri gihugu gishobora kwemeza zikagifasha kugabanya imyuka ihumanya ikirere mu buryo bwihuse cyane kuruta uko byitezwe.

Umuyobozi mu bunyamabanga bw’Umuryango w’Abibumbye ushinzwe imihindagurikire y’ibihe, Patricia C. Espinosa, yatangaje ko kuba mu mpera z’icyumweru gishize ibihugu byemeje amasezerano ya Paris byariyongereye bikava kuri 86 bikagera ku 100, ari ikimenyetso ntakuka ko hari ubushake bwinshi bwo guhangana n’imihindagurikire y’ibihe.

Mu kiganiro n’abanyamakuru kibanziriza inama ya Marrakech, COP22, Espinosa yagize ati “Mu mpera z’iki cyumweru twageze ku ntego y’uko ibihugu 100 byemeje amasezerano ya Paris, kuba amasezerano yaremejwe ni ikintu gikomeye kandi gitanga icyizere, twese tugomba gukora tukagera ku cyo twiyemeje.”

Inama ya COP22 izanaberamo ihuriro ryo guhanga udushya (SIF16) rihuriza hamwe imbaraga z’abacuruzi, Guverinoma, Umuryango w’Abibumbye n’imiryango itegamiye kuri leta kugira ngo bashakire hamwe ibisubizo byo guhangana n’imihindagurikire y’ibihe no kugabanya imyuka yanduza ikirere.

Minisitiri w’Umutungo Kamere, Dr.Vincent Biruta

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved