Kwamamaza

U Rwanda rwohereje abantu 375 barimo abasirikare n’abapolisi mu myitozo muri Kenya

Yanditswe kuya 12-11-2016 saa 08:53' na IGIHE


Minisitiri w’Ingabo za Kenya, Ambasaderi Raychelle Omamo yatangije imyitozo yo kubungabunga amahoro ihuje ibihugu bigize Umuryango w’Afurika y’Iburasirazuba.

Aya mahugurwa yiswe “Ushirikiano Imara” yatangijwe kuri uyu wa Gatanu tariki 11 Ugushyingo ahitwa Matuga I Mombasa.

U Rwanda ruserukiwe n’umutwe ugizwe n’abasirikare, abapolisi n’abasivile bose hamwe 375 bayobowe na Brig Gen Aloys Muganga.

Ambasaderi Omamo yavuze ko uyu ari umwanya wo kugira ngo ingabo zigize ibihugu bya EAC zisangire ubumenyi n’ubushobozi mu kubungabunga amahoro.

Yavuze ko bazitoza ibijyanye no kubungabunga amahoro, kurwanya ibiza, kurwanya iterabwoba no kurwanya abashimusi b’amato mu nyanja.

Ambasaderi Omamo yavuze ko iyi myitozo igamije kongerera ubushobozi bwo gukorera hamwe mu guhangana n’ibibazo by’umutekano mu karere.

Yashimye abayobozi b’ingabo mu karere kuba barateguye abaza muri iyi myitozo kandi bakayishyigikira mu buryo bwose kugira ngo ishyirwe mu bikorwa.

Uwari uhagarariye Umunyamabanga Mukuru wa EAC muri uyu muhango, Peter Kibuta yasobanuye ko iyi myitozo ikorwa mu rwego rw’amasezerano y’ubufatanye bw’ingabo zigize ibihugu bya EAC.

Aya masezerano akaba avuga ko ibihugu bya EAC bigenda bisimburana mu kwakira iyi myitozo.

Mu Rwanda iyi myitozo yahabereye muri 2011 na 2012 mu bigo by’amashuri ya gisirikare i Musanze na Gako.

Nyuma yo gufungura iyi myitozo, Umugaba Mukuru w’Ingabo z’u Rwanda zirwanira mu kirere wari waserukiye u Rwanda muri iki gikorwa yahuye n’Umutwe waserukiye u Rwanda aho bakambitse, ahitwa Madibwani, Mombasa, ashima akazi keza zimaze gukora cyane cyane mu buryo aho bakambitse hateguwe neza n’ibindi bikorwa barimo gukora kugira ngo imyitozo igende neza.

Yabasabye gukomera ku ndangagaciro za RDF anabasobanurira ko igisirikare kirangwa n’umuco, guteganya no gushyira mu bikorwa ibisabwa.

Iyi myitozo yatangiye ku itariki 7 Ugushyingo ihuje abasirikare, abapolisi n’abasivile bose hamwe 2000 harimo aba Kenya, Burundi, u Rwanda, Uganda na Tanzania. Izasozwa tariki 18 Ugushyingo.

Bamwe mu nagabo z'u Rwanda bitabiriye ibikorwa by'imyitozo
Bamwe mu bitabiriye imyitozo mu ifoto rusange

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved