Kwamamaza

Kigali: Bavuga imyato ubucuruzi bw’inuma bufatwa nk’ubusuzuguritse kuri bamwe

Yanditswe kuya 14-11-2016 saa 10:51' na Thamimu Hakizimana


Mu gihe hari abanyarwanda usanga bibanda mu bucuruzi bw’ibintu bitandukanye burimo nk’ubw’ ibikoresho byo mu rugo, iby’ubwubatsi, ibinyabiziga, ibyo kurya n’ibindi, hari n’abemeza ko batunzwe n’ubucuruzi bw’inuma nubwo budatanga umusaruro mwinshi nk’andi matungo.

Ubu bucuruzi mu Rwanda usanga ahenshi bukunze gukorerwa mu ngo z’abantu ku buryo nta n’upfa kumenya uko bukorwa.

Nubwo abantu bafata ubu bucuruzi nk’ubutatanga umusaruro, bamwe mu babukora bavuga ko badashobora kubureka bitewe n’amafaranga babukuramo.

Kimwe mu bituma bamwe mu bacuruza inuma bavuga ko badashobora kureka ubu bucuruzi, ni uko ngo hari igihe inuma imwe bayigurisha amafaranga agera ku bihumbi 10 bitewe n’ingano ndetse n’ibara ryayo.

Muneza Hussein utuye mu Murenge wa Rwezamenyo, woroye inuma 250, yemeza ko amaze imyaka igera ku icumi acuruza inuma ndetse ko adashobora kureka ubu bucuruzi.

Yagize ati “Ubwo se nareka gucuruza inuma zitansaba gusora koko nkajya mu buhe bucuruzi? Njye muri 2010 inuma imwe nayigurishaga amafaranga ibihumbi bitatu, ku buryo iy’ibara ry’umweru bampaga ibihumbi bitanu. Ariko ubu sinshobora kuyigurisha munsi y’ibihumbi 10.”

Akomeza avuga ko impamvu inuma ifite ibara ry’umweru ihenda, ngo biterwa n’uko abapfumu n’abaganga ba gakondo ari yo bakunda gukoresha iyo bari kuvura.

Yemeza ko ubucuruzi bw’inuma yabukuyemo ’inzu itunganya umusatsi’ umusatsi ndetse ko bwanamufashije kurangiza amashuri yisumbuye kuko amafaranga yabukuragamo ari yo yishyuraga ishuri.

Yussuf utuye mu Biryogo we yagize ati “ Nubwo hari abatabizi, inuma zitunze abantu benshi; none se mugira ngo abantu bazorera iki? Si uko bazigurisha bakazikuramo amafaranga!”

Yussuf woroye inuma 200, yemeza kubera ubu bworozi yabashije kwishyurira abana be amafaranga y’ishuri.

Yakomeje agaragaza ko kuri we impamvu abona inuma zihenze ugereranije n’uko ziba zingana, biterwa n’uko inyama yazo iryoha cyane kurusha n’inkoko.

Gusa nubwo ngo ubu bworozi bwabagejeje kuri byinshi, bemeza ko muri iki gihe abantu batakitabira kugura inuma nka mbere, bitewe n’uko ngo ibiciro byazo bisa n’ibyazamutse.

Uretse ubu buhamya butangwa n’abacuruzi b’inuma bo mu Mujyi wa Kigali, usanga no mu tundi turere tw’igihugu nka Rusizi, Rwamagana, Musanze na Rubavu hari abantu benshi batunzwe n’amafaranga bakura mu bucuruzi bw’inuma.

Inuma buri gihe itera amagi abiri, akavamo ingore n’ingabo, bikazabana ndetse n’iyo ingore iri mu gihe cyo kurarira amagi yayo, iyo igiye gushaka icyo kurya iy’ingabo ni yo isigara iyaraririye.

Ubworozi bw'inuma nubwo budahabwa agaciro kimwe ngo bushobora gutunga ubukora

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved