Kwamamaza

Ubushinjacyaba bwashyikirije ababyeyi umwana wibwe mu mezi icyenda ashize

Yanditswe kuya 25-10-2016 saa 16:20' na Emma-Marie Umurerwa


Nyirangaruye Alphonsine na Sebazungu Faustin batuye mu Karere ka Gakenke, bashyikirijwe n’Ubushinjacyaha umwana wabo w’umuhungu wibwe mu mezi icyenda ashize.

Muri Mutarama 2016 nibwo Polisi y’u Rwanda yamenye ko Nyirangaruye Alphonsine na Sebazungu Faustin bibwe umwana w’uruhinja.

Umuvugizi w’Ubushinjacyaha Faustin Nkusi, yabwiye abanyamakuru ko Polisi yahise itangira iperereza, uwakekwaga witwa Abineza Hyacinthe afatirwa mu Karere ka Musanze.

Nkusi yagize ati “Tumaze kwakira dosiye twakomeje iperereza, hakorwa ibizami bya DNA kugira ngo tumenye ababyeyi nyakuri b’umwana. Ibisubizo byagaragaje ko ababyeyi b’umwana ari Nyirangaruye Alphonsine na Sebazungu Faustin.”

Kuri uyu wa 25 Ukwakira ubwo uyu mwana yashyikirizwaga ababyeyi be, Abineza yavuze ko uyu mwana atamwibye ahubwo yamutwaje Nyirangaruye (nyina w’umwana nyakuri) wari wasinze bakaza kuburana, ariko ntiyigeze amurangisha cyangwa ngo abimenyeshe inzego z’ibanze.

Uyu mwana wari wahawe andi mazina n’abari bamwibye mu gihe amazina nyakuri yahawe n’ababyeyi be Byiringiro Emile.

Nkusi avuga kandi ko uyu mwana azapimishwa kwa muganga ngo harebwe niba nta burwayi yaba yaranduye.

Uko umwana yatandukanye na nyina

Nyirangaruye Alphonsine, yavuze ko umwana we bamwibye ubwo yari yagiye mu isoko ryo muri Vunga mu Karere ka Gakenke ari na ho yahuriye na Abineza Hyacinthe batari basanzwe baziranye.

Akomeza avuga ko mu gutaha yafatanyije urugendo na Abineza wari wamubwiye ko batuye mu gace kamwe, aza no kumusaba ko yamuha umwana akamumutwaza kuko we yari yikoreye, undi ngo ntiyazuyaje yaramumuhaye aramuheka. Bumaze guhumana Abineza yamurushije intambwe ntiyongera kumuca iryera niko guhita yiyambaza Polisi n’inzego z’ibanze.

Uyu munsi ubwo umwana yahabwaga ababyeyi be nyakuri, Umugabo wa Abineza ufungiye icyaha cy’ubujura, yatunguwe no guhurira n’umugore kuri Parike, ahamya ko atari azi ko uyu mwana yari yaranise izina ari umwibano.

Abineza aramutse ahamwe n’icyaha cyo kwiba umwana yahanishwa igifungo kiri hagati y’umwaka umwe n’imyaka itatu n’ihazabu y’amafaranga ari hagati y’ibihumbi 50 na 500.

Abineza Hyacinthe hamwwe n'umugabo we bahuriye kuri parike bamburwa umwana bitaga uwabo
Nyirangaruye Alphonsine na Sebazungu Faustin basubijwe umwana wabo wari waribwe
Umuvugizi w'Ubushinjacyaha, Faustin Nkusi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved