Kwamamaza

Ubushinjacyaha bw’u Rwanda busanga uko imyaka ishira ibyaha birushaho kwiyongera

Yanditswe kuya 24-11-2016 saa 19:56' na Jean Pierre Tuyisenge


Ubushakashatsi bwakozwe n’ubushinjacyaha bukuru bw’ u Rwanda bufatanyije na Polisi y’igihugu bwagaragaje ko ibiyobyabwenge n’amakimbirane yo mu ngo ari bimwe mu bituma ibyaha birushaho kwiyongera.

Abakoze ubu bushakashatsi bavuga ko babukoze hagamijwe kurebwa ibitera ibyaha, imbohamizi zigaragara mu kubirwanya, ndetse n’ingamba zakoreshwa kugira ngo bigabanuke, bagaragaje ko ibindi bitera kwiyongera kw’ibyaha, harimo ubujiji, ubukene, no kugira inyota yogukira vuba.

Umushinjacyaha wa Repubulika y’u Rwanda Richard Muhumuza, avuga ko
ubwo bushakashatsi buzafasha ubushinjacyaha n’abashinzwe gukurikirana ibyaha kumenya impamvu nyakuri yabyo.

Avuga ko bafashe icyo cyemezo nyuma yo kubona ko ibyaha birushaho kwiyongera .

Yagize ati “Ibyaha birakorwa ariko twaravuze tuti kugira ngo umuntu arwanye ibyaha ni uko agomba kubanza akamenya impamvu nyakuri ibitera, twarazibonye rero kandi bizadufasha kubirwanya.”

Ni ubushakashatsi bwakozwe hagendewe ku myaka ya 2014 na 2015, bukorerwa mu turere 15 dukunze kuvugwaho kubamo ibyaha byinshi ugeraranyije n’ahandi.

Muhumuza avuga ko uko umwaka ugenda ushira ari nako ibyaha bigenda byiyongera.

Ati “ Iyo urebye mu mwaka wa 2011 usanga Dosiye zinjiye mu Bushinjacyaha zari 23344, mu mwaka wa 2012 ziba 25898, mu mwaka wa 2013 hinjira 28755 naho mu mwaka wa 2014 ziriyongera zigera 28868, iyi rero niyo mpamvu yatumye dukora ubushakashatsi ku mpamvu zitera ibi byaha, ingorane abashinzwe kubikurikirana bahura nazo no kureba ingamba zakoreshwa mu guhangana nabyo.”

Wibabara Charity, umwe mu bakoze ubwo bushakashatsi yavuze ko mu byo babonye basanze hari abakora ibyaha babitewe n’ubujiji, kutamenya amategeko, amakimbirane mu miryango ndetse n’ikoreshwa ry’ibiyobyabwenge.

Ati “ Twakoze ubushakashatsi tureba ku byaha bikorerwa abantu ni ukuvuga ibyaha bigira ingaruka ku muntu ku giti cye, dusanga amakimbirane yiganje cyane mu gitera ibi, twarebye ibyibasira umutungo birimo ubujura , tureba n’ibikorerwa Leta birimo nko kunyereza umutungo, ruswa n’ibindi.”

Ubushinjacyaha bukuru bwa Leta na Polisi bakoze ubwo bushakashatsi, bagiriye inama ababishinzwe kubanza kureba igitera ibyaha nk’uko byagaragajwe mu bushakashatsi.

Umushinjacyaha Mukuru wa Repubulika, Richard Muhumuza
Wibabara Charity, umwe mu bakize ubu bushakashatsi akaba n'umushinjacyaha
Abari bitabiriye igikorwa cyo gushyira ku mugaragaro ubwo bushakashatsi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved