Kwamamaza

Umubyeyi w’umwana warohamye mu mugezi wa Nyabugogo ababazwa n’uko atatabawe

Yanditswe kuya 29-11-2016 saa 14:45' na IGIHE


Hategekimana Joel Clement utuye mu Murenge wa Remera, Akarere ka Gasabo, atewe agahinda n’umwana we w’imyaka 15 warohamye mu mugezi wa Nyabugogo hafi y’ahitwa Kanyonyomba ariko abari hafi aho ngo bagasaba ibihembo byo kumurohora bikarangira aburiwe irengero kugeza n’ubu.

Ku Cyumweru tariki ya 27 Ugushyingo 2016, ni bwo uwo mwana witwa Nkurunziza Emmanuel yarohamye, ubwo we na murumuna we bari bagiye gusura Nyirasenge utuye mu Gatsata. Nyirasenge ngo yagize urugendo maze abana abasiga mu rugo ariko nabo ntibahatinda ahubwo bakurikira abandi b’abaturanyi mu gishanga.

Bagezeyo ngo batangiye kujya ku mitumba ikabarerembana hejuru y’amazi bakongera bakagaruka bityo bityo, gusa ngo ku bw’amahirwe make, uwo mwana utari ubimenyereye, umutumba waramunyereje atangira kurohama, murumuna we abonye ko bikomeye ariruka ajya gutabaza.

Nubwo atari ahibereye, Hategekimana ngo yabwiwe n’umwana we (wari kumwe na nyakwigendera) ko mukuru we amaze kurohoma yabwiye abari aho hafi y’umugezi kuza kubafasha kumurohora ngo bakamusaba amafaranga, abuze barigendera maze abaturutse mu rugo bahagera yamaze kuzimira.

Ati” Yambwiye ko hari abantu hafi aho ariko yabibabwira bakamusaba amafaranga, yayabura akabona kujya gutabaza abo mu rugo bahagera yabuze (umwana).”

Yakomeje agira ati” Ngaya abantu badafite ubumuntu , kandi ndasaba abantu gutabara batarindiriye ibihembo ahubwo bakagira ubumuntu. Ugafata umwana wese nk’uwawe n’iyo byaba ari akanyafu ukakamukubita ariko utarebereye kugeza ibyago bibaye.”

Hategekimana avuga ko kugeza ubu bakiri kugenda bashakisha ku nkombe z’uwo mugezi ngo barebe niba babasha kumubona ngo ashyingurwe.

Spt Hitayezu Emmanuel, Umuvugizi wa Polisi y’u Rwanda mu Mujyi wa Kigali, yatangaje ko bamenye iby’ayo makuru ku cyumweru mu masaha ya saa munani.

Ati”Twabimenye mu ma saa munani ku Cyumweru, habayeho gukurikirana ku bufatanye bwa sitasiyo ya polisi ya Gatsata n’abaturage, gusa baracyashakisha kuko uko umugezi umeze biragoye kumubona.”

Yakomeje avuga ko hatanzwe amatangazo mu baturage bahaturiye kugira ngo igihe hagira ubona uwo murambo abe yabimenyesha polisi n’inzego z’ibanze.

Ku bijyanye n’abataratabaye, Spt Hitayezu yavuze ko bibabaje kandi ko nibakurikiranwa bakamenyekana bashobora kubihanirwa kuko itegeko rihana umuntu wese udatabaye yari abifitiye ubushobozi.

Icyifuzo Hategekimana afite, ni uko mu mugezi hagati hashyirwamo byibura ibyuma bituma amazi agenda ariko bikaba byatangira umurambo cyangwa ikindi kintu kirohamyemo.

Nkurunziza Emmanuel warohamye, ngo yari arangije amashuri abanza kuko yari mu bakoze ikizamini cya leta gisoza amashuri abanza uyu mwaka.

Umugezi wa Nyabugogo Nkurunziza yarohamyemo

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved