Umuganda rusange winjirije u Rwanda asaga miliyari 120 Frw mu myaka 10 ishize

Yanditswe na Evariste Nsengimana
Kuya 4 Gicurasi 2019 saa 01:41
Yasuwe :
0 0

Ibikorwa by’abaturage bafatanyije n’ubuyobozi mu muganda rusange uba rimwe mu kwezi, byinjirije u Rwanda miliyari zirenga 126 z’amafaranga y’u Rwanda mu myaka 10 ishize.

Bimaze kumenyerwa ko buri wa Gatandatu wa nyuma w’ukwezi, mu Rwanda haba Umuganda rusange ugamije guteza imbere ibikorwa by’amajyambere, kunganira ingengo y’imari no gutuma abantu basabana.

Itegeko rigenga umuganda mu Rwanda No53/2007 ryo kuwa 17/11/2007 ryavuguruwe kugeza ubu, rigaragaza ko Umuganda utashyiriweho gusa ibikorwa by’iterambere n’ubukungu, ahubwo wanashyiriweho kunga abanyarwanda no kubabibamo umubano mwiza w’ubworoherane n’amahoro.

Kuri uwo munsi w’umuganda abaturage n’abayobozi bahurira hamwe mu gikorwa cyateguwe kigamije kuzamura imibereho n’iterambere ry’ubukungu nko kubaka ibyumba by’amashuri, amavuriro, gukora imihanda, kubakira abatishoboye, kubaka ibiraro n’ibindi.

Bikorwa n’imbaragara z’abaturage n’ubuyobozi, ibidasaba imbaraga Leta ikabitanga nyuma, bigahabwa agaciro mu mafaranga.

Nk’aho bubaka, abaturage n’abayobozi bafatamya imirimo y’ibanze nko gusiza, kubaka n’ibindi Leta nayo igashaka ibikoresho nka sima, amabati, ibirahure n’ibindi nk’ibyo.

Raporo y’Urwego rw’Igihugu rw’Imiyoborere (RGB) ya 2017 ku kamaro k’umuganda rusange, igaragaza ko hagati ya 2007 na 2016 mu Rwanda hakozwe ufite agaciro ka miliyari 106 Frw (miliyoni 127$) naho mu mwaka w’ingengo y’imari 2017/2018 hakozwe ufite agaciro k’arenga miliyari 21 Frw.

Iyo raporo igaragaza ko umwaka ku wundi hagiye habamo impinduka mu gaciro k’umuganda rusange, aho umwaka winjije macye ari uwa 2007 ubwo watangiraga, yari miliyari 4,112Frw naho amenshi arenga miliyari 20Frw.

Uretse umwaka w’ingengo y’imari wa 2010/2011 agaciro k’umuganda kavuye kuri miliyari zirenga 9Frw mu mwaka wawubanjirije zikarenga gato kuri 7Frw, indi myaka agaciro kawo kagiye kiyongera.

Mu wa 2007/2008 hakozwe umuganda ufite agaciro kangana na miliayari 4.112Frw, mu wa 2008/2009 hakorwa ufite agaciro kangana na miliyari 4,852Frw.

Igaragaza kandi ko mu wa 2009/2010 hakozwe umuganda ufite agaciro ka miliyari 9,451Frw, mu wa 2010/2011 hakorwa ufite agaciro ka miliyari 7,347Frw naho mu wa 2011/2012 hakorwa ufite agaciro ka miliyari 12,524Frw.

Igaragaza kandi ko mu 2012/2013 hakozwe umuganda ufite agaciro ka miliayari 12,768Frw, mu wa 2013/2014 hakorwa ufite agaciro ka miliayari 17,085Frw naho mu wa 2014/2015 hakorwa ufite agaciro ka miliayari 19,033Frw.

Mu mwaka w’ingengo y’imari wa 2015/2016 hakozwe umuganda ufite agaciro ka miliayari 19,263Frw naho mu wa 2017/2018 hakorwa ufite agaciro ka miliayari zisaga 21 Frw.

Buri wa gatandatu wa nyuma w'ukwezi abanyarwanda bakora umuganda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza