Umukozi wo mu kabari yegukanye miliyoni eshanu muri poromosiyo ya Ba Miliyoneri

Yanditswe na Uwishyaka Jean Louis
Kuya 27 Ugushyingo 2016 saa 11:55
Yasuwe : XX
0

Dusabimana Ereda, utuye mu Karere ka Bugesera mu Murenge wa Nyamata; yegukanye miliyoni eshanu z’amafaranga y’u Rwanda muri poromosiyo ya Ba Miliyoneri yateguwe na Tigo.

Dusabimana ufite uruhinja rw’amezi atatu,akora ibiraka byo gucuruza mu kabari. Avuga ko yamenye iby’iyi poromosiyo binyuze mu butumwa yohererejwe na Tigo bumumenyesha iby’iyi poromosiyo.

Ati “Namenye ibijyanye na poromosiyo ya Ba Miliyoneri binyuze mu butumwa bugufi Tigo yanyoherereje bumbwira ko hari poromosiyo nshya nakinamo nkanda *155# cyangwa mpamagara kuri 155 nkaba nagira amahirwe yo gutsindira amafaranga angana na miliyoni eshanu z’ u Rwanda ku munsi.”

“Kuva icyo gihe nahise ntangira gukina, bampamagaye maze ibyumweru bibiri nkina. Bakimara kumpamagara bamenyesha ko natsindiye miliyoni eshanu, byandenze pe ku buryo ntashobora gusobanura, gusa nahise mpa Imana icyubahiro ndishima kuburyo na n’ubu ntarabyumva neza.”

Dusabimana avuga kandi ko yari amaze iminsi asa n’uwihebye kubera ko umugabo babyaranye nta cyo yamufashaga mu kurera uruhinja afite, bityo ngo ayo mafaranga atsindiye azamufasha kugura inzu yo kubamo n’umwana we no gutangira umushinga uzamufasha kubaho neza n’umuryango we.

Ashimira cyane ubuyobozi bwa Tigo ku buryo bwita ku bafatabuguzi bayo ibazanira poromosiyo ituma babasha kwiteza imbere.

Ati“Ndashima Imana cyane ku bw’ahabirwe yampaye, ndanashima abayobozi ba Tigo bategura ibikobwa nk’ibi. Ndabizi neza kandi nizeye cyane ko guhera uyu munsi ubuzima bwanjye bugiye guhinduka. Tigo impunduriye ubuzima.”

Dusabimana avuga ko afite ibyishimo bidasanzwe nyuma yo kwegukana miliyoni eshanu
Yemeza ko aya mafaranga azamufasha kugura inzu yo kubamo no gukora umushinga umuteza imbere

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza