Umuntu wese winjiye mu rubanza rw’abo kwa Rwigara yasatswe

Yanditswe na Rabbi Malo Umucunguzi
Kuya 11 Ukwakira 2017 saa 09:34
Yasuwe :
0 0

Mu Rukiko Rwisumbuye rwa Nyarugenge hakomereje urubanza ruregwamo Diane Rwigara, Anne Rwigara n’umubyeyi wabo Adeline Mukangemanyi; gusa kwinjira mu cyumba cy’iburanisha ku bashaka kurukurikira, byakozwe mu buryo butari bumenyerewe.

Kimwe n’uko byari byagenze ubushize, abantu benshi bari bitabiriye kumva uko iri buranisha ku ifungwa n’ifungurwa ry’agateganyo riri bugende. Saa tatu zuzuye abaregwa bari bamaze kwinjizwa mu rukiko gusa abandi bashaka kurukurikirana basabwa kujya ku mirongo bakabanza gusakwa, ibintu bitari bimenyerewe.

Urukiko rwatanze uburenganzira ku nzego z’umutekano ko nta munyamakuru ugomba gufata amajwi cyangwa amashusho, ndetse ko ubikora igikoresho gifatwa bigasibwa.

Perezida w’iburanisha yanavuze ko nta muntu wemerewe gutanga ikiganiro n’itangazamakuru. Ubushize Me Ntaganda Bernard wari wakurikiranye uru rubanza, yarasohotse aganira n’abanyamakuru bari barwitabiriye.

Abaregwa uko ari batatu bongeye kugaragara mu rukiko aho batangiye babazwa niba bemera ibyaha bashinjwa, bose bakabihakana.

Polisi yabanje gusaka abinjiraga mu rukiko
Umuntu wese winjiye mu rubanza rw’abo kwa Rwigara yasatswe

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza