Umushoferi yegukanye miliyoni muri Poromosiyo ‘Ba Miliyoneri’

Yanditswe na Ishimwe Israel
Kuya 21 Ugushyingo 2016 saa 08:14
Yasuwe : XX
0

Kwizera Israel usanzwe ari umushoferi yatsindiye miliyoni y’amafaranga y’u Rwanda muri Poromosiyo ya Tigo ‘Ba Miliyoneri’.

Uyu mugabo utuye mu Murenge wa Kimisagara, mu Karere ka Nyarugenge atangaza ko yatunguwe ndetse ashimishwa no guhabwa iki gihembo.

Yagize ati “Bakimara kumpamagara kuri televiziyo y’ u Rwanda nari ndi kumwe n’umuryango wanjye turishima cyane, kuko ni ibintu byari bitunguranye ko natsinda gusa narishimye kandi na nubu ndacyishimye.”

Kwizera wari umaze ibyumweru bitatu akina yatangaje ko yamenye ibijyanye na poromosiyo ya Ba Miliyoneri ari uko Tigo Rwanda imwoherereje ubutumwa bugufi, agahita atangira gukurikiza amabwiriza.

Yashimiye Tigo ku bw’iyi poromosiyo yazanye ndetse avuga ko izafasha abafatabuguzi bayo kwiteza imbere mu buryo butandukanye.

Yagize ati “Amafaranga natomboye ndatenganya kuyafashisha umuryango wanjye mu rwego rwo kwiteza imbere. Inama nagira abantu bagishidikanya kuri iyi poromosiyo ni ugukaza umurego mu gukina kuko nanjye najyaga nyishidikanyaho ariko aho ntsindiye nabonye ko ari amahirwe kandi buri wese yabasha kuyagira.”

Yakomeje asaba abafatabuguzi ba Tigo kudacika intege, bagakomeza kugerageza ko amahirwe na bo yazabasekera.

Kwizera Israel yegukanye miliyoni muri Poromosiyo 'Ba Miliyoneri'
Kwizera Israel ashyikirizwa sheki y'amafaranga yatsindiye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza