Umuvunyi yasabye urukiko rwihariye rwo kuburanisha ibyaha bya ruswa

Yanditswe na Jean Pierre Tuyisenge
Kuya 10 Mutarama 2017 saa 07:20
Yasuwe :
0 0

Urwego rw’Umuvunyi rwasabye ko hashyirwaho urukiko rwihariye ruzajya ruburanisha imanza za ruswa n’izimunga ubukungu bw’igihugu byose bishingiye kuri politiki y’igihugu yo kurwanya ruswa n’akarengane.

Umuvunyi Mukuru Aloyisia Cyanzayire yabitangaje ubwo hamurikwaga ibikubiye muri raporo y’ibikorwa by’urwo rwego by’umwaka wa 2015-2016, imbere ya Komisiyo ya Politiki, Uburinganire n’Ubwuzuzanye bw’abagore n’abagabo mu iterambere ry’igihugu mu Inteko Ishinga Amategeko y’u Rwanda.

Muri iyo Raporo havugwamo ko kugira ngo ibyaha bya ruswa birusheho gukurikiranwa mu buryo bwihariye ari uko hashyirwaho urwego rudafite izindi nshingano.

Ati “Ni igitekerezo kiri muri politiki y’igihugu yo kurwanya ruswa ariko kikaba kireba inzego z’ubucamanza, tumaze iminsi tubiganiraho nabo, ni igitekerezo nabo bemera dore ko kiri muri iyo politiki kandi babona ko cyagira n’akamaro.”

Avuga ko impamvu nyamukuru yatumye urwo rukiko ruteganywa ari uko imanza za ruswa ngo zikeneye umwihariko wazo, kuko ngo usanga inzira ikirego kinyuramo haba mu bugenzacyaha, mu bushinjacyaha usanga abakozi baho bafite izindi dosiye basabwa gukurikirana nyamara iza ruswa ngo zikwiye umwihariko udasanzwe.

Umuyobozi wa Komisiyo ya Politiki, Uburinganire n’Ubwuzuzanye bw’abagore n’abagabo mu iterambere ry’igihugu mu Inteko Ishinga Amategeko y’u Rwanda, Alfred Rwasa yavuze ko gushyiraho urwo rukiko byaba ari byiza kuko ngo byakemura ibibazo ahanini bishingiye kuri ruswa.

Yagize ati “ Uru rukiko rwagira …, ahubwo ni ukuzareba hanyuma imikorere yarwo gusa birumvikana ko ruramutse rugiyeho rwakemura byinshi.”

Nubwo hatagaragazwa igihe nyakuri ruzaba rwashyiriweho, rushobora kutazatinda kuko Umuvunyi Mukuru agaragaza ko amategeko ari kuvugururwa.

Umuvunyi Mukuru Aloyisia Cyanzayire / Ifoto: TNT

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza