Kwamamaza

Umuyobozi muri AU yasabye ibindi bihugu kwigira ku Rwanda ku guha agaciro umugore

Yanditswe kuya 27-11-2016 saa 11:52' na Jean Pierre Tuyisenge


Komiseri Mukuru ushinzwe ibya Politiki muri Komisiyo y’Umuryango wa Afurika yunze Ubumwe ,AU, Aisha Abdullahi, yasabye ibihugu bya Afurika guha agaciro umugore mu ifatwa ry’ibyemezo nkuko u Rwanda rwabigenje.

Muri aka karere, u Rwanda na Tanzania byashimiwe kuba bifite umubare minini w’abagore mu nzego zifata ibyemezo.

Dr Abdullahi yavuze ko u Rwanda ruri mu bihugu bya mbere ku Isi byashyize umugore mu nzego zifata ibyemezo.

Ati “Mu Rwanda, abagore bagaragara mu nzego za leta, muri Sosiyete sivile, no mu bikorera ku giti cyabo kuva ku rwego rwo hejuru kugera ku rwego rwo hasi (mu mudugudu).”

Mu ijambo ryasomwe n’uhagarariye ibijyanye na Politiki muri AU, Khabele Matlosa, mu nama yigaga ku iyubahirizwa ry’uburenganzira bwa muntu, Demokarasi n’imiyoborere yaberaga, i Arusha, muri Tanzania, kuva ku wa Gatatu kugeza ku wa Gatandatu tariki 26 Ugushyingo; Dr Abdullahi yasabye ko hashyirwa ingufu nyinshi mu kurwanya ikibazo cy’ubuke bw’abagore mu nzego zifata ibyemezo, mu nzego z’ubuyobozi, mu mishanga y’iterambere no mu bikorwa byo kugarura amahoro n’umutekano nkuko Daily Nation ibitangaza.

Dr Abdullahi yatangaje ko mu Nteko Ishinga Amategeko y’u Rwanda, abagore bangana na 64%, mu nzego zifata ibyemezo ni 40%, mu bucamanza ari 40%, mu buyobozi bw’intara bagera kuri 40% naho mu turere bakangana na 38%.

Muri Tanzania ho abagore bagize 30% mu Nteko Ishinga Amategeko aho Visi Perezida wayo Samia Suluhu Hassan ari umugore.

Dr Abdullahi yahamagariye ibindi bihugu byibumbiye muri AU kurebera ku ntambwe y’u Rwanda na Tanzania mu guhamya uburinganire n’ubwuzuzanye no guteza imbere umugore.

Iyi nama ngarukamwaka yari iteranye ku nshuro ya gatanu, yafunguwe ku mugaragaro na Visi Perezida wa Tanzania, Samia Suluhu Hassan.

Abagore mu Nteko Ishinga Amatekeko y'u Rwanda ni 64% aho ibindi bihugu bisabwa gufatiraho urugero

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved