Kwamamaza

Amafoto: Umunsi wa Kabiri w’Umwami Mohammed VI mu Rwanda

Yanditswe kuya 20-10-2016 saa 14:39' na IGIHE


Umwami wa Maroc, Mohammed VI, ari kugirira uruzinduko mu Rwanda kuva kuwa Kabiri tariki 18 ukwakira 2016, rugamije gutsura umubano n’ubufatanye mu bijyanye na politiki n’ubukungu hagati y’ibihugu byombi no kwagura imikoranire binyuze mu bikorwa by’iterambere.

Kuri uyu wa Gatatu ku munsi wa Kabiri w’uruzinduko rwe, Perezida Kagame Paul yakiriye Umwami Mohammed VI muri Village Urugwiro bagirana ibiganiro byihariye byakurikiwe n’isinywa ry’amasezerano y’ubufatanye hagati y’ibihugu byombi.

Mu masezerano 19 yashyizweho umukono harimo ajyanye no gutsura umubano n’imigenderanire yasinyweho na ba Minisitiri b’Ububanyi n’Amahanga ku mpande zombi.

Nyuma y’uyu muhango, Perezida Kagame yakiriye Umwami wa Maroc, Mohammed VI, muri Kigali Convention Center, mu gikorwa cyasusurukijwe n’imbyino n’indirimbo nyarwanda.

Amafoto

Perezida Kagame n'Umwami wa Maroc, Mohammed VI, ubwo haririmbwaga zubahiriza ibihugu byombi
Perezida Kagame yakira Umwami wa Maroc, Mohammed VI muri Village Urugwiro
Umwami wa Maroc, Mohammed VI, yakiriwe mu cyubahiro gikwiye
Perezida Kagame yereka Umwami wa Maroc, Mohammed VI, abayobozi b'u Rwanda batandukanye barimo Minisitiri Louise Mushikiwabo na Minisitiri Venantia Tugireyezu
Umwami wa Maroc aramutsa Ambasaderi wa Misiri mu Rwanda, Dr. Namira Negm
Perezida Kagame asuhuza abayobozi baje baherekeje Umwami wa Maroc, Mohammed VI
Abayobozi bishimiye amasezerano yashyizweho umukono n'impande zombi
Umwami wa Maroc, Mohammed VI asuhuzanya na Perezida Kagame
Minisitiri w'Ubutabera akaba n'Intumwa Nkuru ya Leta, Johnston Busingye ashyira umukono ku masezerano
Mu muhango wo gushyira umukono ku masezerano y'ubufatanye hagati ya Maroc n'u Rwanda
Minisitiri w’Ububanyi n’Amahanga n’Ubutwererane, Mushikiwabo Louise, na mugenzi we wa Maroc bashyira umukono ku masezerano yo gutsura umubano hagati y'ibihugu byombi
Perezida Kagame n'Umwami wa Maroc, Mohammed VI mu isinywa ry'amasezerano y'ubufatanye hagati y'ibihugu byombi
Minisitiri w’Imari n’Igenamigambi, Amb. Gatete Claver mu muhango wo gushyira umukono ku masezerano y'ubufatanye na Maroc
Minisitiri w’Ububanyi n’Amahanga n’Ubutwererane, Mushikiwabo Louise ashimira uwa Maroc ubufatanye ibihugu byombi bifitanye
Umuyobozi w’Urugaga rw’abikorera mu Rwanda (PSF), Benjamin Gasamagera,ashyira umukono ku masezerano
Umuyobozi Mukuru w’Ikigo cy’Igihugu gishinzwe Ingufu z’amashanyarazi (REG), Mugiraneza Jean Bosco, ashyira umukono ku masezerano
Minisitiri w’Ububanyi n’Amahanga n’Ubutwererane, Mushikiwabo Louise asuhuzanya n'umwe mu bayobozi bakuru ba Maroc
Minisitiri w’Urubyiruko n’Ikoranabuhanga, Nsengimana Jean Philbert (ibumoso) ; uw'Ubuhinzi n'Ubworozi, Geraldine Mukeshimana (hagati) n’uw’Umuco na Siporo, Uwacu Julienne mu muhango w’isinywa ry’amasezerano y’ubufatanye hagati y’impande zombi
Abayobozi baje baherekeje Umwami wa Maroc, mu muhango w'isinywa ry'amasezerano y'ubufatanye hagati y'ibihugu byombi
Abayobozi bakuru mu nzego zitandukanye bitabiriye uyu muhango wo gushyira umukono ku masezerano hagati ya Maroc n'u Rwanda

Umuhango wo gushyira umukono ku masezerano hagati y’impande zombi wakurikiwe n’umusangiro wabereye muri Kigali Convention Center

Perezida Kagame n'Umwami Mohammed VI mu musangiro bari kumwe na ba Minisitiri b'Ububanyi n'Amahanga b'ibihugu byombi
Minisitiri w’Imari n’Igenamigambi, Amb. Gatete Claver (iburyo) na Depite Mukabalisa Donatille (hagati) mu muhango wo kwakira Umwami wa Maroc
Perezida Kagame yakiriye Umwami wa Maroc, Mohammed VI mu musangiro wabereye muri Kigali Convention Center
Minisitiri w’Ububanyi n’Amahanga, Mushikiwabo Louise, ageza ijambo ku bitabiriye umusangiro wo kwakira Umwami wa Maroc
Perezida Kagame aganira na Minisitiri Louise Mushikiwabo n'umwe mu bayobozi bakuru ba Maroc
Umuyobozi w’ Ikigo cy'Igihugu cy'Imiyoborere( RGB), Prof Shyaka Anastase(ibumoso)
Abayobozi bakuru b'igihugu bitabiriye uyu musangiro
Itorero ryasusurukije abitabiriye umusangiro
Intore zari zabukereye mu kugaragaza umuco gakondo w'igihugu
Perezida Kagame asezera Umwami wa Maroc, Mohammed VI

Inkuru bifitanye isano: Perezida Kagame yakiriye Umwami wa Maroc, Mohammed VI (Amafoto na Video)

Amafoto: Village Urugwiro


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved