Visi Perezida w’u Buhinde ategerejwe mu Rwanda

Yanditswe na IGIHE
Kuya 17 Gashyantare 2017 saa 07:39
Yasuwe :
0 0

Visi Perezida w’u Buhinde Hamid Ansari arateganya kugirira uruzinduko rw’iminsi itanu mu bihugu birimo u Rwanda na Uganda hagamijwe gushimangira umubano igihugu cye gifitanye n’ibihugu bya Afurika.

Ansara azatangira uruzinduko rwe mu Rwanda kuva tariki ya 19 Gashyantare 2017 kugera kuya 21 hanyuma ahere kuri iyo tariki ageze kuya 23 ari muri Uganda.

Mu ruzinduko rwe azaba aherekejwe n’Umunyamabanga wa Leta ushinzwe ubutabera Vijay Sampla, abadepite bagera kuri bane, abayobozi bakuru mu nzego zinyuranye, abacuruzi ndetse n’itsinda ry’abanyamakuru.

Umunyamabanga muri Minisiteri y’Ububanyi n’Amahanga y’u Buhinde, Nina Malhotra, yatangaje ko uru ari uruzinduko rwo ku rwego rwo hejuru umuyobozi wo mu Buhinde agiriye mu Rwanda ndetse ko rubaye nyuma yaho Perezida Kagame agiririye uruzinduko muri iki gihugu ubwo yari yitabiriye inama ya Vibrant Gujarat Global Summit yabaye muri Mutarama uyu mwaka.

Umuvugizi wa Minisiteri y’Ububanyi n’Amahanga mu Buhinde, Vikas Swarup, yavuze ko Visi Perezida w’Igihugu cye azahura na Perezida Paul Kagame ndetse na Perezida w’Inteko Ishinga Amategeko umutwe wa Sena, akazanageza ijambo ku banyeshuri ba Kaminuza y’u Rwanda.

Ikinyamakuru India Express cyavuze ko Visi Perezida w’u Buhinde azasura urwibutso rwa Jenoside rwa Gisozi akunamira inzirakarengane zirushyinguyemo ndetse akazabonana n’Abahinde baba mu Mujyi wa Kigali mu musangiro azamuhuza na Minisitiri w’Intebe w’u Rwanda.

Mohammad Hamid Ansari uteganya kugirira uruzinduko mu Rwanda / Ifoto: Internet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244