Kwamamaza

Ba Rwiyemezamirimo bakoresha abaturage mu nyungu zabo ku karubanda

Yanditswe kuya 8-02-2013 saa 08:22' na Olivier Rubibi
     


Minisiteri y’ubuhinzi n’ubworozi (MINAGRI) igiye gutangira gushyira ahagaragara ba Rwiyemezamirimo bakoresha abaturage mu nyungu zabo bikitirirwa iyo Minisiteri.
Ibi Minisitiri w’Ubuhinzi n’ubworozi Agnes Karibata yabitangaje mu kiganiro yagiranye n’abanyamakuru ku mugoroba wo ku wa Kane, cyibanze ku iterambere ry’ubuhinzi mu Rwanda.
Minisitiri Karibata yavuze ko Minagri igiye gutangira gukurikirana ba Rwiyemezamirimo bahabwa amafaranga ngo bishyure abaturage baba bakoze, bakayakoresha (...)

Minisiteri y’ubuhinzi n’ubworozi (MINAGRI) igiye gutangira gushyira ahagaragara ba Rwiyemezamirimo bakoresha abaturage mu nyungu zabo bikitirirwa iyo Minisiteri.

Ibi Minisitiri w’Ubuhinzi n’ubworozi Agnes Karibata yabitangaje mu kiganiro yagiranye n’abanyamakuru ku mugoroba wo ku wa Kane, cyibanze ku iterambere ry’ubuhinzi mu Rwanda.

Minisitiri Karibata yavuze ko Minagri igiye gutangira gukurikirana ba Rwiyemezamirimo bahabwa amafaranga ngo bishyure abaturage baba bakoze, bakayakoresha ibindi, abaturage bagashyira mu majwi Minisiteri ko ari yo yabambuye.

Minisitiri Karibata yavuze ko Abanyarwanda bagifite ikibazo cy’uko hari abatagira ubunyangamugayo. Yagize ati “Muri gahunda yo guhinga ku materasi y’indinganire, Minagri yashyizeho gahunda yo guhemba abaturage baba bayakoze n’ubwo ubutaka ari ubwabo. Ubu turahura n’ikibazo gikomeye cy’uko hari abantu batifitemo ubunyangamugayo, aho ubaha amafaranga ngo bajye guhemba abaturage bakayatorokana, bakagenda bavuga ko Leta y’u Rwanda ibamereye nabi, kandi ari bo ahubwo bayimereyene nabi. Yewe, hari n’abadatoroka bakaguma mu gihugu ariko batarigeze bishyura abaturage!”

Akomeza atangaza ko aho Abanyarwanda bagana ariho heza muri gahunda yo kwiteza imbere kandi ko batazigera basubira inyuma.
Ikindi cyagarutsweho ni gahunda yo guhuza ubutaka imaze imyaka itanu itangiye, ariko bamwe mu baturage bakaba batarumva neza akamaro k’iki gikorwa. Karibata yavuze ko iyo umuntu ahinduye gahunda yakoreragamo akajya mu yindi, kenshi na kenshi bitoroha. Ati “abaturage bashonje bahishiwe kuko bagiye kubona umusaruro w’ibyo bakoze.”

Ku kijyanye n’inzara ivugwa yaturutse kuri gahunda yihuzwa ry’ubutaka nk’uko abaturage hirya no hino babivuga, Minisitiri Karibata yavuze ko nta nzara iri mu Rwanda. Ati “Mbere y’uko umuntu avuga inzara, yabanza akamenya igisobanuro cyayo. Ntabwo inzara yabaho kandi imirima yuzuye imyaka.”

Ubuhinzi mu Rwanda ni umwuga ukorwa n’umubare munini w’abanyarwanda bagera kuri 86%. Mu mwaka 2012 ubuhinzi bwongereye 30% ku bukungu bw’igihugu.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved