Bahawe ubumenyi bw’uko baha serivisi nziza abatumva

Yanditswe na Nsabimana Emile
Kuya 16 Werurwe 2013 saa 01:34
Yasuwe :
0 0

Abakozi batandukanye bo mu Karere ka Nyanza bigishijwe amarenga bakoresha ku bantu batumva n’abatavuga, kugira ngo babashe gutanga serivisi nziza kuko aba bantu basaga n’abibagiranye muri serivisi zitangwa.
Mu mahugurwa yatangiye ku itariki ya 11 kugeza ku ya 15 Werurwe 2013, abahagarariye abajyanama mu bigo nderabuzima na bamwe mu bakozi bo mu karere bahuguwe n’abafite ubumuga bwo kutumva no kutabona, hakoreshejwe uburyo bw’amarenga mpuzamahanga.
Amasomo bahawe ngo azagirira akamaro (...)

Abakozi batandukanye bo mu Karere ka Nyanza bigishijwe amarenga bakoresha ku bantu batumva n’abatavuga, kugira ngo babashe gutanga serivisi nziza kuko aba bantu basaga n’abibagiranye muri serivisi zitangwa.

Mu mahugurwa yatangiye ku itariki ya 11 kugeza ku ya 15 Werurwe 2013, abahagarariye abajyanama mu bigo nderabuzima na bamwe mu bakozi bo mu karere bahuguwe n’abafite ubumuga bwo kutumva no kutabona, hakoreshejwe uburyo bw’amarenga mpuzamahanga.

Amasomo bahawe ngo azagirira akamaro abafite ubumuga nk’uko bitangazwa na Emmanuel Karabayinga, ushinzwe ibibazo by’abafite ubumuga mu Karere ka Nyanza, wemeza ko na we atari afite ubumenyi na buke ku marenga akoreshwa n’abafite ubumuga bwo kutumva no kutavuga nyamara ari we ubashinzwe.

Avuga ko ari kenshi abafite ubumuga bamwitabazaga ariko kumvikana bikaba ingorabahizi, bigatuma bataha batishimiye serivisi bahawe. Ati “Abantu bafite ubumuga bwo kutumva no kutavuga ahenshi bari barasigaye inyuma, kuko ururimi bakoresha rw’amarenga rutumvwa na benshi.”

Karabayinga yavuze ko abafite ubumuga batakirwaga bigatuma umubare munini wabo batitabira gahunda za Leta, kubera ko batabashaga kuzumva.

Ibarura ryakozwe mu mwaka wa 2010 ryerekanye ko mu Karere ka Nyanza habarizwa abafite ubumuga butandukanye barenga ibihumbi 15.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza